اعمل عبيط

من طرف **طالبة مصرية** 27/2/2011, 00:42

اعمل , عبيط

اعمل عبيط وأنت تستمع إلى السياسى اللعيب وهو يرص الأكاذيب حجراً على حجر مثل أحجار الشيشة وهو ينشر قنابل الدخان فى كل مكان حتى لا نرى الحقيقة."اعمل عبيط وعش سلطان زمانك.. استمع إلى كلام ناظر المدرسة وقل آمين.. غلط صح لا يهم.. هز رأسك موافقاً على كلام السيد المدير العام، حتى وإن غرق المركب وأصبح ستين حتة.. اعمل عبيط وأنت ترى كشوف الإهدار العظيم للمال العام فى نظام سرقة شرعية كله بالقانون بالأوراق ميري"..

اعمل عبيط وأنت ترى الرشوة عينى عينك والصفقات تتم حولها فوق الترابيزة وتحت الترابيزة وجنب الترابيزة اعمل عبيط وعش أيامك عش لياليك.

اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى السويس.

اعمل عبيط ولا تسأل عن أى تعديل وزارى ولا كيف جاءوا ولا لماذا ذهبوا.

أعمل عبيط وانت تدفع ضعف مرتبك دروساً خصوصية لإبنائك مع أن الحكومة تؤكد دائما مجانية التعليم.

اعمل عبيط وأنت تشاهد برامج المطبخ فى التلفزيون وهم يحدثونك عن السمون فيميه والكوردون بلو والطرطوفة والكالمارى، اعمل عبيط واستمتع بحفل البصل والفول المدمس.

اعمل عبيط وأنت تستمع إلى رجال الأعمال ووزراء المجموعة الاقتصادية وهم يقولون مصر فيها فرص عمل تقدر بعشرات الآلاف ولكن الشباب يفضل الجلوس على المقاهي.

اعمل عبيط إذا رأيتهم يطاردون عملاء التوك توك فى كل مكان وكأنهم جواسيس دخلوا البلاد بدون رخصة أو تأشيرة.

اعمل عبيط وأنت ترى العمالة المصرية مسحوقة تحت رحمة الكفيل ومطرودة من أمام أبواب السفارات.

اعمل عبيط ولا تتحدث عن حقوق الإنسان تحدث عن حقوق الحيوان.. أضمن ألعب ع المضمون.

اعمل عبيط وخليك في الصورة.. زاحم.. انحشر.. خليك غتيت.. قاتل وقل لنفسك لا فيها لاخفيها.

اعمل عبيط ولا تتحدث في السياسة.. امشي جنب الحيط الأحوط.. امشي جوه الحيط

اعمل عبيط ولا تقترب أبدا من مكانين: قسم الشرطة ومبنى السفارة.

اعمل عبيط وكأنك لم تقرأ هذا الكتاب.. وحاول أن تعمل حاجة لمصر.. فالسيارة عطلانة... لكن البكاء لن يدير الموتور.. قل للناس من حولك يلا يلا يا رجالة .. إيدك يا حج اللي يحب النبي يزق.

من طرف **ملكة الاحساس** 2/3/2011, 17:16

فعلا هنشوف الحقايق اللي بتحصل كده قدامنا

واللي كنا مش بنشوفها

ميرسي طالبة علي موضوعك القيم جدا

من طرف **طالبة مصرية** 3/3/2011, 23:01

مشكووووووورة ياقمر علي مرورك
الجميل تشرفت بمرورك

من طرف **برنس مصر** 3/3/2011, 23:49

اعمل عبيط وأنت ترى مظاهرات السلالم فى نقابات وسط البلد تحاصرها الإحباطات كما لو كانت تحاصر القوات الإسرائيلية فى الثغرة فى السويس.

واللهى كله عامل فيها عبيط دلوقتى

لما بقت حاجه تخنق

شكرا شيمااااء

احتراااااماتى ياقمر

من طرف **طالبة مصرية** 4/3/2011, 21:29

مشكوووور ياجميل علي مرورك
تشرفت يابرنس طبعا

من طرف **sokara** 6/3/2011, 09:01

اعمل عبيط وأنت ترى الرشوة عينى عينك والصفقات تتم حولها فوق الترابيزة وتحت الترابيزة وجنب الترابيزة اعمل عبيط وعش أيامك عش لياليك.

والله احسن حاجه تعمل عبيط
احسن مانموت من الغيظ والقهر

تسلمين على الموضوع
تحياتى