ممكن أسألك سؤال؟

من طرف **جوجو** 25/10/2010, 22:37

ممكن أسألك سؤال
•*´¨`*••*´¨`*•
ليه بتحب تعاند دايما والدك ووالدتك ؟
ليه كل ما يقولولك شرق تقول انت غرب ؟
ليه واخد جنب ومش مصاحبهم ؟
...
هتقول انا كبرت خلاص وما بقيتش صغير ........
هتقول أنا أدرى بمصلحتي ..........
ولا هتقول ايه ؟؟؟؟

هو باباك لما يقولك ذاكر كويس عشان الامتحانات قربت مش برضه عايز مصلحتك؟؟؟ ...
ومامتك لما تقولك كل كويس عشان تتغذى هي كده مش عايزة مصلحتك؟؟؟
وانتي لما ماماتك تختار معاكي ملابسك اللي تناسبك وتناسب سنك وترضي ربك هي كده مش عايزة مصلحتك؟

ليه مش عايزة تاخدي رأي حد غير صاحباتك ؟؟
هي ماما بقت دقة قديمة ؟؟
هي مش في يوم كانت قدك؟؟
هي برضه مش مرت بسنك ؟؟
هو بابا وماما برضه مش لهم خبرة اكتر منك؟

ده المثل حتى بيقولك اسأل مجرب

•*´¨`*••*´¨`*•
انت وانتي

ليه بتضايقوا من كلامهم ليه بتطنشوه او بتتململوا منه وكأنهم أعداءكم ؟
مش دول اللي ربنا وصى عليهم

وغير ده كله تعال نفكر سوا

يا ترى صاحبك احمد ولا صاحبتك نورا يتمنوا انكم تكونوا احسن منهم ؟؟؟؟

لا طبعا مهما كان الأصحاب مفيش حد يتمنى ده يحصل

انت : احمد ممكن يكون بيحبك لكن لا يمكن يحبك اكتر من نفسه

وانتي : نورا ممكن تكون بتحبك لكن لا يمكن تحبك اكتر من نفسها

هتقولي ده طبيعي وده حال البشر لكن هقولك لا مش كل البشر

فيه اتنين هم دول بس اللي بيحبوك اكتر من نفسهم

والدك ووالدتك
ايوة بابا وماما

الوحيد اللي عايزك توصل للي ما وصلهوش
والوحيدة اللي عايزاك اجمل منها واحسن منها
دي بتضايق لما حد يقولها بنتك مش طالعة حلوة زيك ليه :) ؟
شفتوا بقى :))

اصل ربنا سبحانه وتعالى هو اللي زرع ده في قلوبهم
وعشان كده وصى سبحانه وتعالى عليهم وجعل الاحسان اليهم في المنزلة الثانية بعد عباده الله سبحانه وتعالى

فقال عز وجل{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25}

وقال:
( ((وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ
وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ))
سورة لقمان

•*´¨`*••*´¨`*••*´¨`*••*´¨`*••*´¨`*••*´¨`*•

طب تعال وتخيل كده انهم بعدوا عنك ..هتقدر تعيش ؟؟
طب الحياة هيبقى لها طعم ؟؟
فيه غيرك بيحسدك على النعمة اللي انت فيها وانت مش حاسس
ما سمعتش مرة واحد فقد ابوه او امه بيقولك يا بختك انا نفسي حد يزعق لي او حتى يهزأني بس احس اني فيه حد مهتم بيا
ترضى بقى تكون يتيم ؟
ترضى تكون وحيد ؟

فوق بقى وافتكر ان اللي بتعمله فيهم بكرة لما ان شاء الله يبقى عندك اولاد هيعملوا كل ده فيك ويمكن اكتر

ما سمعتش الحديث اللي بيقول
عن جابر - رضي الله عنه - قال: قال رسول الله صلى عليه وسلم: " بروا آباءكم تبركم أبناؤكم وعفوا عن نساء الناس تعف نساؤكم... " (11)

•*´¨`*••*´¨`*••*´¨`*••*´¨`*••*´¨`*••*´¨`*•

يالا بقى بطل تتجاهلهم
خد برأيهم
اياك والتأفف
روحي ساعدي ماما في المطبخ .. دي واقفة طول النهار في الحر ادام البوتاجاز ....مش بتصعب عليكي
انزل مع بابا وساعده في مشاويره ..طول النهار دايخ عشانكم في الحر ... مش بيصعب عليك

•*´¨`*••*´¨`*••*´¨`*••*´¨`*••*´¨`*••*´¨`*•

من هنا ورايح مش هاعاندهم ولا هاستهزأ بكلامهم
من هنا ورايح مش هاعندهم ولا ارفع صوتي عليهم
من هنا ورايح مش هاكشر في وشهم
من هنا ورايح مش هاقول لصاحبي لما امه تنده له ياعم كبر
ولا هاسمع كلام صاحبتي لما تضحك عليا وتقولي ..يااه انتي لسه بتاخدي رأي ماما ؟؟

عن أبي عبد الرحمن عبد الله بن مسعود رضي الله عنه قال: سألت النبي صلى الله عليه وسلم: أي العمل أحب إلى الله تعالى؟ قال: ((الصلاة على وقتها))، قلت: ثم أي؟ قال: ((بر الوالدين))، قلت: ثم أي؟ قال: (( الجهاد في سبيل الله)). متفق عليه.

وعن عبد الله بن عمرو - رضي الله عنهما - قال: " أتى رجل رسول الله - صلى الله عليه وسلم - فقال: يا رسول الله، إني جئت أريد الجهاد معك أبتغي وجه الله والدار الآخرة، ولقد أتيت وإن والديّ ليبكيان. قال: " فارجع إليهما فأضحكهما كما أبكيتهما "

•*´¨`*••*´¨`*••*´¨`*••*´¨`*••*´¨`*••*´¨`*•

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

اعذروني اني طولت عليكم
والسلام عليكم ورحمة الله
(اختكم فى الله)

من طرف **ملكة الاحساس** 26/10/2010, 00:07

اللهم ارزقنا رضاهما ونعوذ بك من عقوقهما

اللهم امين

بجد موضوع تحفة ياجوجو

وفعلا كل الشباب والبنات بقوا كده دلوقتي

ومش عارفين مصلحتهم

اللي وادهم ووالدتهم عارفنها اكتر منهم

يارب يهديهم جميعا

ميرسي جوجو علي روعة موضوعك

دمتي بكل خير

من طرف **برنس مصر** 31/10/2010, 00:30

اللهم ارزقنا رضاهما ونعوذ بك من عقوقهما

وأدخلنا الجنة يارب العالمين بفضل دعواتهم

وبارك الله فيكى جوجو على طرحك

واختياراتك الجميله

كل الأحترام لكى جوجو

من طرف **جوجو** 31/10/2010, 12:17

اللهم ارزقنا رضاهما ونعوذ بك من عقوقهما

اللهم امين

(( ملكه الاحساس ))

(( برنس مصر ))

بارك الله فيكم

وجزاكم كل خير على المرور الرائع

احتراماتى لكم

من طرف **wssfy2007** 31/10/2010, 17:16

جوجو
بارك الله فيكى وعليكى
فى اختيار مواضيعك
وفعلا احنا ما لنا غيرهم فى الدنيا
اللهم اننا نسألك العفو والعافية لهم
ونسألك رضاك عليهم وعلينا
دمتى بخير حال وود

من طرف **جوجو** 31/10/2010, 18:16

شكرا ليك وصفى

بارك الله فيك

وجزاك كل خير على المرور الرائع

احتراماتى لك

من طرف **ملكة مصر** 31/10/2010, 22:09

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

اللهم ارزقنا رضاهما ونعوذ بك من عقوقهما

بارك الله فيكي يا جوجو

وجزاكي الله خير الجزاء