رد: ياترى ريحه ذكرياتك ايه ؟

من طرف **nooody** 17/3/2010, 09:10

برنس مصر كتب:

جميل الموضوع ده يانودى

خلى عقلى يروح لبعيد ويرجع تانى وهو محمل بالذكريات الجميله
انا ذكرياتى جميله جدااا وكتيره جداااا ولكن مش هروح لبعيد
قوى هى ذكريات قريبه مش بعيده ولكنها ذكريات مش حلوه
عناد وكده وشويه خناقه >>>>>>>>> يلا مع الموضوع
كنا رايحين نشترى الستاير انا وخطيبتى ايام الخطوبه
اتفقت مع خطيبتى اننا نروح نشترى الستاير
المهم قابلتها وروحنا نشترى الستاير من وكالة البلح
طبعا مكان مشهور جدااا فى مصر اشترينا الستاير
وسيبناها فى المحل وكله تمام
وقلت لها تعالى نتغدى رحنا مطعم فخم اتغدينا كباب وكفته
وخرجنا من المطعم رحنا مكان جميل على الكورنيش
نشرب اى شىء كازينو على النيل روعه
قعدنا قاعده رومانسيه واحد من اللى بيصورو قالى صوره
بصيت لها وقلت اايه رايك بعيونى وبدون كلام
هزت راسها بالموافقه قلت له صور
صورنا شويه وجاب ثلاث صور حلوووووووين جداااا
كنت متفق معاها ان الصور تكون لها وليا بالنص يعنى
المهم مسكت فى الصور اتفرج عليها وهى تتفرج عليهم
وانا وهى برج العقرب وما ادراكى ماهو برج العقرب
دماغنا ناشفه شويه يانا يالصور وهى نفس الشىء
هاتى لأ سيب لأ راحت الصور رايحه بالنص
بينى وبينها وكل نص اصبح خمسين حته
وانا وهى فى وقت واحد ودى كانت نهايه الموضوع
المهم رحنا بقى خدنا الستاير وروحتها هى والستاير
واحنا بقى ولا كلمه وقعدت ييجى اسبوع ماكلمهاش
وكانت صور بجد ودى بقى أخرة اللى يتصور مع خطيبته بدون علم أهلها
وشكرا لكى نودى على الموضوع اللى خلانى كتبت قصه ههههههههههه

هههههههههههههههههههههه

دة كله عشان صور

كدة احنا عرفنا بقى

يا جماعه ماحدش ينشف دماغه مع رامى

والا ....

[ندعوك للتسجيل في المنتدى أو التعريف بنفسك لمعاينة هذه الصورة]

نورت يا رامى

من طرف **nooody** 17/3/2010, 09:16

البرائة كتب:
بشكرك نووودى على موضوعك الجميل اللى خالنا نرجع بالذاكرة للخلف
نتذكر احلى واجمل ايام عمرنا
وبرنس بجد ذكرياتك تضحك واحلى حاجة اللى ضحكتنى اكتر
نصيحتك الاخيرة ههههههههههههههه
ودى بقى أخرة اللى يتصور مع خطيبته بدون علم أهلها
منكم نستفيد
هههههههه
اكتر ذكرى لن انساها
وانا فى السنة الثالثة من الجامعة كانت احلى واجمل وافضل سنين عمرى كلها
بجد انقلاب فى حياتى بأكملها دينيا واجتماعيا وقبل كلة دة علميا
وبدل ماكنت بس اروح ابكى عند كلية اعلام حبيت كليتى جدااا ودراستى جدااا جدااا
وعرفت فعلا انا الخير ما كتبة الله لى وان الله لايضيع اجر من احسن عملا
2006/2007
من اجمل السنين اللى مرت فعلا عليا يارب سنين عمرى كلها تكون زيهم
دا الواحد كان اضحوكة البيت فى السنين الاولى من الكلية كنت بس ادخل كل محاضرة واطلع ابكى
وبابا كل مايسمع انى بروح عند كلية اعلام وابكى يقعد يضحك عليا ضحك
ويزلنى بدكتور التخصص اللى كان مطفشنى بتقديروا بس طبعا كان نوع من انواع الهزار ليضحكنى شوية
لكن بجد تسلملى اختى فهمتنى قيمة كليتى وحمستنى ليها
والذكرى الاخرى
هى امتحانات السنة الماضية وكانت فى شهر 9
بعد العيد مباشرة يعنى متهنتش زى الناس بالعيد وحتى شهر رمضان بدل مايكون ذكر وقران كان مذاكرة جامدة وكمية قلق فظيعة
بس اللى هون عليا صديقة لى بتحضر على حسابها
يوم امتحان الانجليش وهى لغة عربية وبينها وبين الانجليش نوع من انواع العمار هههههههه
قعدت تغنى اغنية انا لاول مرة اسمعها بس بجد ضحكتينى كتير
عارفين كانت بتقول اية
اه يانى يانى يانى مش هذاكر مرة تانى
انا تخيلت ان الامتحانات خالتها منشدة بس اتضح انها اغنية
معلش طولت عليكوا بس الواحد لما بيفتكر ذكرياتة مش هيكفية فيها كلام

هههههههههههههههههه

اهو انا برضه دلوقتى بغنى اغنيه

صحبتك دى

ذكريات جميله نورتى يا جميل

من طرف **nooody** 17/3/2010, 09:17

سلطان كتب:كلامك صحيح ماجمل الذكريات الحلوه ورحتها الجميله[ندعوك للتسجيل في المنتدى أو التعريف بنفسك لمعاينة هذه الصورة]

شكرا لمرورك

من طرف **nooody** 17/3/2010, 09:18

اشتكي غلاك كتب:
بالنسبه ليا ذكرياتي رائحتها كرائحة مداعبه الامواج للبحر فعلا ,’’
ع فكرة انا جايه اتفرج ع الذكريات بس هههههه [ندعوك للتسجيل في المنتدى أو التعريف بنفسك لمعاينة هذه الصورة]
يسلموو حبيبتي نودي
دمتي برعايه المولى ’’

اتفرجتى براحتك يا قمر

هههههه

نورتى

من طرف **ساجدة** 21/3/2010, 13:47

موضوع جميل جدااا نودى

انا يمكن اكتر ذكريات بحبها اووى ولا يمكن انساها وانا صغنونة اوى ايام المدرسة ابتدائى البراءة بقى هههههههههه

انا فاكرة حاجتين يمكن ماما افتكرتهم من يويمن وقعدت تضحك عليا وانا كمان كتير اوى

كنت فى اول يوم فى المدرسة وكنت عارفة ان اللى بيروح المدرسة بياخد حقنة وانا باترعب من الحقن وده لغاية النهاردة هههه المهم اول يوم ماما وبابا اخدونى ع المدرسة منا الدلوعة بقى انا شابكة فى ماما مش عايزة اسيبها خاااااااالص وباعيط

وخلت الفصل لقيت زمايلى بيعيطوا اوووووووى وانا بقيت اترعش وماسكة ماما ومش عايزة اسيببها خالص كنت خايفة حتى من زمايلى جت ابلة منى دى اول حد حببنى فى المدرسة قعدت تلاعبنى ونستنى موضوع الحقن ودخلت معاها الفصل وبدات اطرد ماما وامشيها لا وكمان قعدت اهدئ زمايلى واقولهم احنا جايين نلعب مع بعض يعنى من الاخر ضحكت عليهم زى مااضحك عليا هههههههههههههههههه

التانية كان مراقب عليا فى 5 ابتدائى كان جار جدى جه علشان ياخنى ليه اخر يوم فى الامتحانات كنت هاوديه ف اهية عيطت وصوتت وكبرت فى دماغى انه هيخطفنى لولا ماما اقتنعتنى انى اسيبه يروح ههههههههه

ميرسى نوووودى ع موضوعك اللى طلع بلاوينا ع الناس كده ههههههههههه

من طرف **برنس مصر** 21/3/2010, 21:28

هههههههههههههههههههههههه

حلو رك يا اميرة مصر

ونورتى الموضوع وشكرا لكى على موقفك الجميل

والجميل انك بعد ماكنتى خايفه من الحقنه ومن الولاد

قعدتى انتى تهديهم

مش بقلك انتى عسل هههههههههههه

نورتى ياقمر وكنتى وحشانا يا أميرة مصر