ما اجمل انك تعيش حياتك فى طناش دائم واليكم بعض النصائح للتطنيش

من طرف **ملكة الاحساس** 15/1/2010, 23:54

ازيكوا يا احلي منتدي في الدنيا

علي الساده القراء ربط اسلاك الكي بورد والامتناع عن البحث في الانترنت و الاستعداد للاقلاع من مطار المنتدي الدولي
بصوا بقي انا عايزاكم تفتحوا ودانكم وتطرطقوا عنيكم وتركزوا بايديكم علي الكي بورد (عشان هتردوا علي الموضوع يعني هتردوا )

هو النظام هنا كده بلطجه وبلطجه جامده اوي امن دولة بقة

ومتنسوش ان احنا بقينا في الجو يعني اللي مش هيكتب رد هيلاقي نفسه في حته زرقا والارض بتقرب من ناحيته بسرعه كده

مركزين؟ يلا نبدا الاقلاع
واحد

اتنين

تلاتة

اكشن

اوك تمام

بص يا عمو لو انت عاوز تطنش و تقديها و تبقي واد مخلص شوف شويت النصايح دي و عن تجارب في بشر عملو بيها مقديين حياتهم تمام قوي و كلو اخر هنا عشان طنشوا و عاشوا الحياه طول و عرض

الطناش الاول

طنش للبنات اكييد البنات دول حاجه جامده موت بس في كلام تاني اجدع منهم عندك مثلا دينك و درستك و مستقبلك. لكن لو سعتك خلاص افشه في دماغك حوار البانات روح اتجوز اجدع. و اهم حاجه لو اتجوزت نفض لحماتك نوهائي

الطناش التاني

طنش و احلق لي نفسك اساسا و متوجعش نفوخك بحوار التلوث و الجراد والكلام ده هتلاقي نفسك ماشي اخر تمام

الطناش التالت

طنش كل الناس اللي مش طالباهم يعني اللي مقديها حسد و اللى عاوزك مصلحة عشان عربيتاك والعالم دى عشان مش هيفرئو معاك في حاجه انت واد جامد

الطناش الرابع
ده موهم قوي ركز فيه
طنش حوارات المظاهرات و الكلام ده في الجامعه يعني هتغير الكون كده قضيها يا معلم اجدع

الطناش الخامس

طنش مديرك و شغلك و مشيها بنظام محدش بيموت من الجوع يعني اشتغل اه بس كده بنظام بدت الاعده في البيت او علي القهوة

الطناش السادس

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

الطناش السابع

طنش اي حاجه هتنكد عليك عيشتك يعني زي واحد صحبك عمال يعمل حركات كده اي كلام او حوارات عندك في بيتكو طنش الكلام ده عشان تعيش فريش

الطناش التامن

لو اهلك اعدو يكلموك في اي حوار مش عاجبك متعملش فيها عنتر و تجادل عشان مش هتستفاد حاجة غير انهم هيقفشو اكتر طنش و في اخر الكلام قول حاضر كلمت حاضر بتريح

الطناش التاسع
ده بقي اهم حاجه
طنش حوار الفلوس عشان ده حوار فاشل هتعد تفكر فيه هتتعب و متبصش علي غيرك ياعم ارضي باللي ربنا ادهوللك متوجعش دماغك بفولان حاب ايه و علان اشتي عربية ايه عادي قديها كولو في النهاية بيتساوه. والحوار ده بزات للبنات تعد بقي تقول اصل فيفي جابت كذا و تيتي عملت كذا طنشى و عيشى عادى

الطناش العاشر

طنش لحوار المخدرات و اللي يقولك جبت بوب او صاروخ جامد قوي و الهطل ده يا عم صحتك و حرام فطنش للكلام ده كولو احسنلك

الطناش الحداشر

طنش للجرايد و الخبار كلها كلام يوجع الدماغ و بوش ناوي يضرب ميين و بن لادن ظهر فيين كلهل حوارات توجع نفوخك شوفلك فيلم اجدع تتفرج عليه

الطناش الاتناشر

طنش الكليبات اللي تجيبلك شلل مش عارف مين عملت كلب مع حصان و مين مع كلب و ده طالع ياخد دش و دي عملي سمكري نفض للمناظر دي يا عم بلا حرقة دم.

الطناش التلاتاشر

طنش شرب السجاير يعني فاكر نفسك شمشون و انت بتشربها من ورا اهللك طب استرجل و قول لي اهلك بص ياعم روح العبلك لعبة افيدللك

الطناش الاربعتاشر

طنش للسياسة يعني انت فاكر انك صلاح الدين الايوبي و خلاص هتحرر القدس اشتري دماغك يا معلم و عيش الحياة

الطناش الخماستاشر

طنش حوار انك تمشى تعاكس دي و تنح علي دي يعني لو اختك ماشيا ترضي يجرلها كده ياعم خليك راجل الجوله ادب مش اي كلام.

الطناش الستاشر

طنش كلام الناس عليك عشان من الاخر محدش بيعجبو اي حاجه و لو حبيت تريح الناس مش هتعرف فع عيش حياتك يا بوب و ما توجعش دماغك

الطناش السبعتاشر

طنش دكاترة الجامعة و ما تعملش معاهم حوارات مالهاش لزمه عشان البششر دي لو افشو عليك خلاص يا زعيم كل سنه و انت طيب هتعد طول عمرك بتدرس و منتش متخرج من الجامعة فطنش لهم و شوف مستقبلك يا باشا.

الطناش التمنتاشر

طنش الموضة اللي مالهاش لزمه يعني قشطه امشي علي الموضة بس اللي تنسبك يعني مثلا متحطليش حلق في ودنك و تقولي موضة.! ده ازاي بقي انشاء الله و لا هو اي حاجة و السلام.

الطناش التسعتاشر

طنش الطناش نفسه .....تسئلني ازاي اقولك معرفش بس طنش و السلام و كل حاجه هتبقي 100 100

شوف يا معلم لو عملت بالتسعتاشر نصيحة اللي فاتو اضمنلك هتقضى حياه اخر هنا و كلو هيعدي و هيبقي بونو و علي راي اللي قال

طنش وعيش....الحياة ما تسويش

منقووووووول

من طرف **ساجدة** 16/1/2010, 19:38

هههههههههههههههههههههههههههههههه
عسل يامستكة
والله يابنتى نصايح تجنن
بجد شكلها من بره دعوة لانك تسيبك من كل حاجة لها لزمة
بس بجد انا شايفاها دعوة جميلة اووووى للاصلاح بشكل عصرى وبلغة شبابية جميلة
يسلمو ايديكى مستكتى
ويسلملنا اختياراتك ونقلك الرائع

من طرف **ملكة الاحساس** 16/1/2010, 22:57

اميرة مصر كتب:

هههههههههههههههههههههههههههههههه
عسل يامستكة
والله يابنتى نصايح تجنن
بجد شكلها من بره دعوة لانك تسيبك من كل حاجة لها لزمة
بس بجد انا شايفاها دعوة جميلة اووووى للاصلاح بشكل عصرى وبلغة شبابية جميلة
يسلمو ايديكى مستكتى
ويسلملنا اختياراتك ونقلك الرائع

اي خدمة يامسعدة

احنا عندنا اغلي من الشباب عشان ننصحه برضه

ههههههههههههههههههههههه

تسلمي ياقمر علي مرورك

لكي تحياتي

من طرف **برنس مصر** 17/1/2010, 00:52

الطناش السادس

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

بالطريقه دى نضمن نروح فى داهيه على طول

هنمشى على مثل طنش تعيش هههههههههههههه

شكرا منار المفروض الموضوع يتحط فى قسم الطناش العام

قصدى فى قسم الضحك والفرفشه ههههههههههههههه

من طرف **ملكة الاحساس** 17/1/2010, 01:13

برنس مصر كتب:
الطناش السادس

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

بالطريقه دى نضمن نروح فى داهيه على طول

هنمشى على مثل طنش تعيش هههههههههههههه

شكرا منار المفروض الموضوع يتحط فى قسم الطناش العام

قصدى فى قسم الضحك والفرفشه ههههههههههههههه

احلي حاجة الطناش يابرنس تعيش ملك

ههههههههههههههههههههههههههههههههه

اي خدمة احنا في الخدمة

حطه في القسم اللي يعجبك يابرنسي

من طرف **الامير المصرى** 18/1/2010, 11:23

من ضمن الطناش انا فكرت كتير انى اطنش الرد على الموضوع

بس قلت بخاطرها بتعتنا مينفعش اطنش

هههههههههههههههههههههههههههههه

فى حجات الواحد ممكن يطنشها وفى حجات مينفعش خالص

شكرا للموضوع الطناش ده

من طرف **ملكة الاحساس** 18/1/2010, 23:27

الامير المصرى 55 كتب:
من ضمن الطناش انا فكرت كتير انى اطنش الرد على الموضوع

بس قلت بخاطرها بتعتنا مينفعش اطنش

هههههههههههههههههههههههههههههه

فى حجات الواحد ممكن يطنشها وفى حجات مينفعش خالص

شكرا للموضوع الطناش ده

مين بقي بخاطرها ديه

عامة هطنش انا ومش هعلق عليها

هههههههههههههههههههههههه

ميرسي فارس علي الطناش

ههههههههههههههههههههههههههههههههههههههههههههه

لك تحياتي

ما اجمل انك تعيش حياتك فى طناش دائم واليكم بعض النصائح للتطنيش

ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش

رد: ما اجمل انك تعيش حياتك فى طناش دائم واليكم بعض النصائح للتطنيش