(`'•.¸* عقد زواج عرفي *¸.•')

من طرف **عازف الاحساس** 11/10/2009, 19:54

(`'•.¸* عقد زواج عرفي *¸.•')

التاريخ: يوم اسود مش فايت
المكان: مكتب خالد براءة المحامي للخداع العام

بند تمهيدي:
يقر الطرفان أنهما في غير وعيهما وأنهما واقعان تحت سيطرة كلام العيال
أصحابهم وأنهما غير واثقين في صحة قواهما العقلية، يعني من الآخر في
الضياع ومش فارقة معاهم.

بند1:
يعتبر هذا العقد بمثابة ورقة لا أهمية لها إطلاقا لأنها كتبت من الأساس
على سبيل "الاشتغاله" ومن باب الضحك على الدقون ومن منطلق "عديها الناس
لبعضيها".

بند2: مصير هذه
الورقة هو التمزيق حيث أنه من المرجح أن يتشاجر الطرفين قريبا جدا وسوف
يتنازعان أمام المحكمة قريبا جدا على وجود هذه الورقة من الأساس.

الطرف الأول

بنوتة أمورة مضحوك عليها شاب طيب خالص بيحب يتسلى

أو مبسوطة من الضحك عليها ويلعب ببنات الناس

الطرف الثاني "الشاب الطيب".

اتفق الطرف الأول "البنوتة الأمورة" على أن تعيش مع الطرف الثاني "الشاب
الطيب". ولو مفيش شقة مع الطرف الثاني وفلوسه مقصره حبتين ولم يجد شقة
مناسبة، هتبقى ساعتين كل ما الظروف تسمح، وهي اتفقت على ذلك وهي سرحانة في
كلام الحب والوعود ولا تدري الفرق بين الليل والنهار، وواثقة 24 قيراط في
الطرف الثاني "أيوه طبعا واثقة في الشاب الطيب اللي بيلعب ببنات الناس"

والطرف الثاني اشترى خاتم دهب بتحويشة العمر التي كان يدخرها من المصروف
اليومي الذي يتقاضاه من بابا نظير إقامته في منزل بابا ونظير أنه ابنه.

بعد أن وافق الطرفين قام الأصدقاء بعمل زفة محترمة للطرفين اسكندراني على البحر لما كانوا في رحلة الكلية من باب الإشهار برضه..

واتفق الطرفان على أنهما لن يلجأ أياً منهما للمحكمة في حال أنهما اتخنقوا
من العلاقة والعيشة اللي بقت زفت، بل سيخرجان بالعرفي مثلما دخلوا بالعرفي.

وقد تعهد الشاب الطيب أمام الشهود أن دفنة الطرف الأول وخرجته على نفقته
الخاصة وسوف تليق بها، وذلك عندما يعلم أهلها بأمر هذا العقد ويتولى أبوها
بالسكينة الحامية، أو تبقى زي "هنادي" وياخدها الوبا. وبالطبع فإن الطرفين
متفقين على أن نتاج هذه العلاقة مصيرها الإجهاض السريع ومش طالبة صداع،
ولو مالحقوش يبقى هيترمي في الشارع أمام أي جامع "زي فيلم فيروز وأنور
وجدي".

وتعهد الطرف الثاني أنه يسلم مصروفه كاملا للطرف الأول دون أن يخصم مليما
واحدا منه، وتعهد بأنه سوف يتحايل على بابا حتى يزود المصروف بحجة أنه
هياخد كورسات "كدبه بيضا".

*شاهد أول:

أحمد مزجنجي

وقعت على العقد وانا عامل دماغ

*شاهد ثان:

قرني المتولي

وماله يا عم بكره يشهدولي على عقدي

*الطرف الأول:

واحد اهبل..

*الطرف التاني:

واحده اهبل منه..

ملحوظة :

شرط جزائى :
أذا تم ولم تنفذ البنود المذكورة اعلاه ( بند 1 , بند 2 )( وذلك شئ لبد
منة ) يكون العقد باطلا ولا اساس لة من الصحة وسوف يتم انكار العلاقة من
جهة الطرف الاول مع دفع التعوضات لة نظير ما اصابه من اضار نفسية وجسدية
وعلى الطرف الثانى اللجوء للمحاكم ( ويحى العدل )

الله الموفق........... وبالفراق من غير بنين

حد ناوي

من طرف **EMY** 11/10/2009, 22:07

بجد رغم ان كلامك المكتوب كله كوميدى بس بجد فيه تحذير للى بيحصل دلوقتى
ده اللى بيحصل فعلا وانيل من كده
ويا ريت حد ما ينويش على الجوازة المهببه بالشكل ده

تحيــــــــــــــــــــاتى

من طرف **ملكة الاحساس** 11/10/2009, 22:21

والله بجد موضوع جميل جدا

وفعلا هو كوميدي بس تحت الكوميدية ديه بثير موضوع

فعلا منتشر جدا في وقتنا الحالي

وكتير جدا بيحصل وربنا يسترا علي الشباب

ميرسي فارس علي موضوعك

تحياتي اليك

من طرف **برنس مصر** 12/10/2009, 03:17

موضوع يحتوى على التحذير الشديد اللهجه لكل من يقبل عليه

وفعلا اى انسان يقدم على هذا الزواج بيكون بيدمر حياته وحيات الضحيه

تحياتى لك فارس وشكرا على التحذير

من طرف ???? 12/10/2009, 04:27

السلام عليكم ورحمة الله وبركاتة

شكرا علي موضوعك واللفتة المهمة الموجودة فية بس لية ملحوظة

ياريت كلنا ناخد بالنا منها مكتوب في اول المووضوع

التاريخ: يوم اسود مش فايت

حرام الجملة دي لان ربنا قال ((( لا تسبو الدهر فأن الدهر

أنا)))

فياريت ناخد بالنا وياريت تتعدل من صاحب الموضووع

بالنسبة للزواج العرفي ربنا يبعد المسلمين والمسلمات عنة

ويوفق الجميع للحلال فقط .......... شكر علي مجهودك

وعلي طريقتك الجميلة في عرض الفكرة

من طرف **اشتكي غلاك** 15/10/2009, 15:31

يسلموو ع الطرح الرائع ,,
تحيااتي لكـ ,,

(`'•.¸* عقد زواج عرفي *¸.•')

(`'•.¸* عقد زواج عرفي *¸.•')

رد: (`'•.¸* عقد زواج عرفي *¸.•')

رد: (`'•.¸* عقد زواج عرفي *¸.•')

رد: (`'•.¸* عقد زواج عرفي *¸.•')

رد: (`'•.¸* عقد زواج عرفي *¸.•')

رد: (`'•.¸* عقد زواج عرفي *¸.•')