الرجوله ملهاش معنى أخر

من طرف **برنس مصر** 20/7/2009, 04:15

الرجولة ملهاش قطع غيار

كانت فى الأصل أدبً

وليست هز أكتاف،

لكن حين أصبح الهزُّ سمة أساسية

يولد المرء بها،

صارت الرجولة من المستحيلات

الثلاثة،

لدرجة أن سائق >> توك توك كتب على

مؤخرته: التوك توك طبعاً

وليس مؤخرته هو

يا بخت اللى يصاحب راجل،

وآخر كتب علىمؤخرة سيارته نصف النقل:

اللى يقابل راجل يتصل بيا على الرقم ده

وكتب رقم تليفونه.

ولا زمان عنترة بن شداد اللى كان

شايل سيفه،

وأبوزيد الهلالى سلامة محمد رستم عبد المعبود،

ولبلب الذى سكع عنتر سبعة أقلام بلوازمهم،

وحتى عبد الفتاح القصرى

الذى كانت كلمته لا ممكن تنزل الأرض أبدا

إلا فى ظروف خاصة،

وأصبحنا فى زمن الوحوش،

وحوش يارب حوش،

كما جاء فى إحدى الأغنيات الشعبية.

ستسألنى وما هى الرجولة إذن؟

وستستفيض فى سؤالك وتقول:

هناك من يرون الرجولة فى شعر الصدر،

أو فى تخن الصوت،

أو فى تقل الجيب،

وقبل أن تترك لى المجال لأرد عليك،

ستخطف الكلام من على طرف لسانى،

وتقول: رغم أنه يا أستاذ لو دقق هؤلاء

لوجدوا أن >>

القرد لديه شعر أغزر،

والحم********ولديه صوت أنكر،

والبنكالمركزى ملىء بالنقود.

طب الحمد لله،

ماشاء الله عليك،ما تيجى بقى تكتب انت.

الرجولة يا صديقى،

كما هو واضح من اسمها،

هى ان الواحد يبقى راجل،

آه والله،

يعنى لما تبقى راكب الأتوبيس،

والناس فوق بعض،

وحضرتك قاعد وتشوف راجل كبير

أو واحدة أيا كان سنها،

تفز وتقوم تهز طولك وتقعدها، ده مثلا،

ومثلا إنك تبطل تعاكمان وكمان وتتحرش،

ومثلا إنك ماتمدش إيدك على مراتك،

ومثلا إنك تحترم كلمتك، على الأقل يا أخى

ماتبقاش ندل ولا رخيص،

قديم قوى أنا، صح؟

الرجوله مواقف ياراجل

مش ناوى أشتغل مصلح اجتماعى،

لكن هناك شائعة ماشية فى البلد بتقول

إن الرجالة ماتوا فى الحرب.

إيه رأيك؟

زمان كان الراجل بيتربط من لسانه،

دلوقتى بقى اللسان بيتربط من لغلوغه،

أما الرجل فاختفى فى ظروف غامضة.

ارفع بنطلونك أبو وسط ساقط،

وخبى بوكمان وكمان رك،

وفكك من نظام: اغريه يا سكيننة.

انتف سكمان وكمان وتك القديمة،

وسيبك من شغل الحفلطة والزفلطة،

البلد دلوقتى بتمر بمرحلة حرجة

ولو بنطلونك وقع ماحدش فاضى يرفعهولك.

خليك راجل أبدأ بنفسك أولا

وملكش دخل بغيرك

وشكرا لكم

كلامى >> منقــــــــول

لكم احر تحياتى

من طرف **ساجدة** 20/7/2009, 04:53

ههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
موتنى من الضحك ياروميو بجد
عثل ياخواتى عثل
عارف ده اللى بيقولوا عليه شر البلية مايضحك
بجد فعلا الرجال بقوا نسبة كبيرة منهم مش هاقول كلهم علشان محدش يزعل منى
بقوا (اشباه رجال) يشبهوهم فى الهيئة الخارجية والصفات البيولوجية والتشريحية انما فى واقع الامر هما صور باهتة مشوشة لا يملكون من صفات الرجال اى شئ
وللاسف فى مجتمعاتنا فقدت بنسبة كبيرة القدرة على تربية رجال بعيد عن المغريات الغربية من موديلات لبس وتسريحات شعر وحاجات غريبة كنا فى فترة لما بنت بتهتم بالحاجات دى بشكل كبير شوية بنقول عنها كلام كتير مش حلو انا النهاردة لو مكنش الولد ضارب جيل فى شعره ولابس البنطلون ساقط والقميص معرفش شكله ايه وعامل شكل دقنه ازاى وشعره ازاى يبقى متخلف ومحتاج اعادة تاهيل علشان يكون مواكب للعصر وشباب النهاردة
وبقت معنى الرجولة ان كل ولد يعمل فيها هارون الرشيد ولازم يكون مصاحب 10000 واحدة وبيفتخر بانه يعرفهم قدام اصحابه وخد من ده كتير بقى
بجد احنا محتاجين وقفة مع نفسنا علشان نعرف احنا كنا فين وبقينا فين ومحتاجين ايه لو عايزين نرجع امة تفتخر بشبابها مش تستخبى بيهم فى الظل
كل شاب محتاج يشوف ويتعلم يعنى ايه رجولة ويتعلم اازاى يربى ابنه علشان يكون راجل يفخر بيه وكل بنت كمان تتعلم تكون ام مدرسة تربى جيل شباب الاولاد فيه رجال بمعنى الكلمة والبنات امهات وبنات بمعنى الكلمة
ميرسى برنسى على موضوعك الجميل
لمست بموضوعك واقع مرير بيمر بيه مجتمعنا كلنا بنمتى شفاء مجتمعاتنا من الامراض اللى اصابت شبابها فى تفكيرهم
يسلمو ايديك ياقمرى
فى انتظار جديدك المميز ديما
ارق تحياتى ليك

من طرف **nooody** 20/7/2009, 11:05

والله موضوع مهم جدا فعلا

وبيلمس حاجات واقعيه فى مجتمعنا

كان زمان لما واحد تتعاكمان وكمان بنت حتته قدامه يقوم الدنيا وميقعدهاش

دلوقتى هو اللى بيعاكمان وكمان بنت حتته

تركب الاتوبيس تلاقى كل الرجاله قاعدة والستات واقفه عادى جدا

واللى يفرس ان ممكن بنت تقوم عشان تعقد ست عجوزة والرجل ولا هو هنا

وعلى فكرة الموضوع دة يرجع بدرجه كبيرة للتربيه

ونلغى بقى مبدأ ( يلا نفسى )

تسلم ايدك على الموضوع

من طرف **ملكة الاحساس** 20/7/2009, 13:35

والله موضوع جامد جدا يابرنس

وفعلا كل كلمه ليك حق فيها

دلوقتي الرجوله في زمنا دا بقيت نادرة

وكمان مش زي زمان لما تلاقي رجل يطلق عليه كلمة راجل بمعناها الحقيقي

دلوقتي كل واحد منهم بيشوف كلمه رجل علي مزاجه هو

وبيفسرها علي الاساس دا مش مهم ممكن تضر مين

وكتير مواقف بناقبلها في حياتنا اليومية وبتبين الراجل علي حقيقته فعلا

واكيد كلنا شوفنا كده وعارفين اللي بيحصل بقي في الاتوبيس وغيره وغيره في الشارع عامة

وطبعا دا ميمنعش ان لسه في رجاله برضه بس قليلين جدا

واللي بناقابلهم في حياتنا صدفة

بجد الموضوع رائع يارامي

اشكرك جدا عليه

لك ارق تحياتي

من طرف **رائدحسنى** 22/7/2009, 00:52

الموووضوع جداا هاام فعلا

ومش عارفين أيه الظواهر الغريبة دى

يعنى جيل وبنطلوون سااقط ودلع رجالة

أقصد دلع شباب

على العموم على ما يبدوا أن الوحش طغى على الحلوو

وخلاص ولا عدنا عارفين مقاييس الرجولة أيه عند بناتنا الحلووة

وبنظلم الرجالة وكمان بنظلم البنات

ومش عارفين فى زمنا ده مين ظالم ومين مظلوم

بس كل أللى عارفه

إن مقاييس الرجولة فى زمنا ده إتغيرت والنظرة للرجل كمان إتغيرت

لو كان العيب على الرجل أنه بيضرب جيل وبنطلون ساقط

فبردووا على البنت قدر من الخطأ فهى تريد مسايرة الموضة حتى فى إختيار الرجل

لكلا منا أخطائه دوما ..فليصحح كلا منا مواقفه من الحياة

مع خالص إحترامى وودى للجميع

يسلمووووا برنس على التميزز

تحيااتى اليك

الرجوله ملهاش معنى أخر

الرجوله ملهاش معنى أخر

رد: الرجوله ملهاش معنى أخر

رد: الرجوله ملهاش معنى أخر

رد: الرجوله ملهاش معنى أخر

رد: الرجوله ملهاش معنى أخر