شر البليه ما يضحك

من طرف **nooody** 29/6/2009, 11:55

[ندعوك للتسجيل في المنتدى أو التعريف بنفسك لمعاينة هذه الصورة]

شويه كدة يا أفنديه عشان النفس بس

ما فيش داعى للزحمه مش عايزين اصابات الله يخليكوا

أول يوم شغل بقى والواحد نازل من البيت على سنجه عشرة وتروح عشان تركب السرفيس زى خلق الله

تلاقى امه لااله الا الله مستنيه والمشكله انك نازل وفاكر انك هتكون اول واحد

واستنى دورك بقى يا بيه يا اما يجى يا اما لاء وعشان أطمنك فهو غالبا مش هيجى عشان اصلا ما فيش حاجه اسمها

دور .

فالسرفيس ولا الاتوبيس ما هم الانتنين حاجه واحدة فكلاهما يأخد بنظريه الحشر

( كل ما تحشر اكتر فرصتك فى المكمان وكمان ب تكتر )

　
والغريبه ان بعد دة كله السواق مش عايز يتحرك وعايز ركاب كمان

حكمتك يارب .

ولو تجرأ حد من الركاب وفال للسواق

(احنا مستعجلين يا أسطى ورانا أشغلنا ) يدوب هو يقول كدة وبس

وأجارك الله على وابل الشتائم واللى مش عاجبه ينزل يأخد تاكمان وكمان ى .

　
تاكمان وكمان ى ايه أعوذ بالله واحنا بتوع الحاجات دى ماله السرفيس يعنى !

حاجه زى الفل وعلى فكرة مش اى حد يركبه لحسن تفتكر انه قليل ولا حاجه .

دة عشان تركبه قدامك حل من أتنين :

يا اما يكون عندك واسطه او اى حد يحجزلك تقولش راكبين طيارة

ودة حل مش مضمون .

　
يا اما تحارب بشرف عشان توصل للباب والحل دة غالبا مش هيوصلك الا لحاجه واحدة واطمن هى مضمونه

ان عمرك ما هتوصل للباب وهتقف على الرصيف تستنى اللى بعدة لحد ما الشمس تقور دماغك

دا ان لاقيت مكان تقف فيه على الرصيف اصلا .

وفى حاجه فى غايه الروعه فى السرفيس بصراحه اول ما تركب تحس انك رجعت لايام زمان

قمه الترابط الاجتماعى

ياااة الواحد كان خايف يموت قبل ما يشوف اللحظه دى >> بس خلاص لحسن اعيط

　
ويا سلام على وصله الغناء الشعبى الهابط تحس ساعتها ان عمرك ما هتسمع تانى ولو ربنا كتبلك عمر جديد

ونزلت منه بالسلامه تبقى مش مصدق نفسك انك لسه بتسمع .

　
ولو اتهورت وقولت للسواق بعد اذنك وطى صوت الكاسيت شويه >> ما هو انت اللى جبته لنفسك

اسمع بقى :

( ايه يا أفندى الاغانى كلها دلع وأنا مزاجى رايق ودى عربيتى , وأنا حر أسمع اللى أنا عايزة )

　
واذا مش عاجبك كلامه أوعى تفكر انك تفكر ان تتخانق معاة الا اذا كنت تملك علامه الجودة

وأنا متأكدة ان الناس الحلوين اللى كانوا ديما بيقعدوا فى الفصل ورا هيسألوا أيه هى علامه الجودة دى؟

　
علامه الجودة هى انك تكون واخد مطوه فى وشك مثلا

وغير كدة ما تفكرش فى حاجه اسمها خناقه

لان الناس دول لهم قوانين خاصه بيهم ألا وهى

قوانين الشوارعولوجى .

ديما عربيتهم بتبقى قديمه ولا تصلح للاستخدام الادمى

وعندهم مبدأ قانونى بيقولك ايه

( اللى خايف على عربيته يروح )

وبما ان الناس الشربات دول مالهومش أى علاقه بقوانين السير ولا حتى القواعد الاخلاقيه

فنصيحه أخويه يا جماعه أوعى تخشوا معاهم فى أى نقاش

أو تحاولوا تغيروا وجهه نظرهم

من طرف **برنس مصر** 29/6/2009, 18:12

علامه الجودة هى انك تكون واخد مطوه فى وشك مثلا

وغير كدة ما تفكرش فى حاجه اسمها خناقه

لان الناس دول لهم قوانين خاصه بيهم ألا وهى

قوانين الشوارعولوجى .

الموضوع مش سهل وتسلم ايدك يا نووووووووووودى

بجد موتينى من الضحك وفعلا شر البليه مايضحك

فيه اشكال عديده من هذه الشخصيات فى بلدنا

ويمكن بيحصل اكثر من كده لاكن نقول ايه

ربنا يهدى الحال ويهديهم يارب

ارق تحياتىلكى نودى

من طرف **رائدحسنى** 30/6/2009, 00:47

ههههههههههههههههههههههههههههه

فعلا شر البلية ما يضحك نوووووووووودى

بس أهى الأمور للأحس إن شاء الله على الأقل

النااس كلها فى الأخر بنسبة كبيرة بيكون قلبها على بعض

تسلمى على الموضوع نوووووووودى

تحيااتى اليك

من طرف **ملكة الاحساس** 30/6/2009, 17:12

ههههههههههههههههههههههه

لا بجد فعلا شر البلية

ميرسي يانودي علي موضوعك الجامد دا

ارق تحياتي

من طرف **nooody** 1/7/2009, 18:49

برنس مصر كتب:
علامه الجودة هى انك تكون واخد مطوه فى وشك مثلا

وغير كدة ما تفكرش فى حاجه اسمها خناقه

لان الناس دول لهم قوانين خاصه بيهم ألا وهى

قوانين الشوارعولوجى .

الموضوع مش سهل وتسلم ايدك يا نووووووووووودى

بجد موتينى من الضحك وفعلا شر البليه مايضحك

فيه اشكال عديده من هذه الشخصيات فى بلدنا

ويمكن بيحصل اكثر من كده لاكن نقول ايه

ربنا يهدى الحال ويهديهم يارب

ارق تحياتىلكى نودى

طيب كويس انى ضحكتك يا رامى

شكرا على مرورك الجميل

شر البليه ما يضحك

شر البليه ما يضحك

رد: شر البليه ما يضحك

رد: شر البليه ما يضحك

رد: شر البليه ما يضحك

رد: شر البليه ما يضحك