رسالة من عجوز

من طرف **ساجدة** 5/6/2009, 15:11

كان ياما كان
كان فيه زمان طيب عجوز عايش وسطينا كبرنا واتربينا وإحنا شايفنه بنحبه وهو كمان بيحبنا بنغنيله من زمان وزماااااااااااااااااان أوى أجدادنا كمان غنوا له وقدروه واعتبروه لهم ملك وسلطان كانوا بيحبوه لدرجة أنهم ممكن يضحوا بأولادهم علشانه وأولادهم كمان يفرحوا بالتضحية دي ويقولوا إنهم أصبحوا ملوك لاقترابهم وتضحيتهم فداء للملك
من حبهم لملكهم عملوله عيد وفى عيده كانوا بيقدموا له الهدايا
وفى كل عيد بيكون له عروسة ومش اى عروسة
أجمل عروسة
أجمل بنات عصرها ده لأنه أجمل شاب وأطيب شاب وملك عرفوه وكان لازم يرضوه
وعلى ضفافه قامت أعظم الحضارات حضارة أجدادنا
رسموله في معابدهم أجمل الصور وسموه كمان أجمل الأسماء
ومرت السنين واتغيرت الناس وماتوا الأجداد وجاءوا بدالهم أولادهم
أولاد حاربوا وانتصروا وبنوا المصانع والمدارس والمستشفيات
وبنوا حضارة جديدة معرفوها ش الأجداد
وغنوا لإنجازاتهم وقالوا إحنا عملنا ومستنين نشوف دور أولادنا
وتمر السنين وتفوت ويجى دورنا إحنا الأحفاد ولا الأبناء
إحنا كمان أتولدنا وفى قلوبنا حبه
حبناه وكان حبه كان بيجرى في دمائنا
بس.....................
مبقناش نحس بيه
مش بنحس بألمه وأنينه مش بنسمعه وهو بينادينا ويقول
أنا بقيت عجوز وكبرت كنير ساعدوني علشان أفضل عايش وسطكم
زى ما عشت مع إباءكم وأجدادكم
والا..............
هامشي ومش ها رجع ليكم تانى
وينادى في كل يوم في كل لحظة وعلينا نسمعه
نحس بيه ده كان ملك في يوم وكان كل الناس بتقدره
ازاى النهاردة إحنا نهمله؟!!!!!!!!!!!!!!!!
ازاى نهمل حبيب حبنا وحبناه
ازاى نقدر نعيش وحبيب لينا بينادي وبيتالم بأشد اااه
تعالوا نبص له ونسال يوم عليه
تعالوا نساعده يكون زى ماكان طول السنين
تعالوا نرحمه من كل تصرفاتنا
تعالوا نعيدله مجده ومتكونش مجرد أغنيات
عرفتوا عجوزي مين اللي باتكلم عليه؟
عجوزي هو النيل الطيب الجميل
اللي طول عمره عايش هو لوحده الأمير

دي دعوة كانت منه بيرسلها لكل مصري لكل حد حبه
ببقوله عيدلى عصري يا ترى حد سمعه
حد حس بألمه

أميرةِ مصر

من طرف **ملكة الاحساس** 5/6/2009, 16:32

وااااااااااااااااااااو ياميرة

الموضوع بجد تحفة

ميرسي ياقمر

ارق تحياتي

من طرف **ساجدة** 5/6/2009, 21:13

ميرسى حبيبتى ليكى
نورتينى وسعيدة جدا ان الموضوع عجبك
تسلميلى ياقلبى ومنحرمش من تواجدك الغالى

من طرف **رائدحسنى** 14/6/2009, 17:20

نلينا الجميل

نيلنا العظيم

شباب دائم

وعطاء متجدد

وحضارة عصرية

لأننا أعظم أمة مصرية

سلمتى وسلمت أناملك أميرة مصر

لكى منى كل الود والتقدير

تحيااتى اليك

من طرف **ساجدة** 14/6/2009, 18:59

عزيزى رائد
تسلمللى يارائع نورتنى ياغالى
الله لا يحرمنى من تواجدك الغالى ولا منك ياقمر

رسالة من عجوز

رسالة من عجوز

رد: رسالة من عجوز

رد: رسالة من عجوز

رد: رسالة من عجوز

رد: رسالة من عجوز