قالى خلينا اصحاب قولتله ولايهمك اي دونت كير

من طرف **ملكة مصر** 24/4/2009, 19:15

ولا دمعه نزلت

ولا قلب انجرح

ولا وساده خاليه زي بتاعه عبد الحليم تمزقت

من كتر التفكير في الحبيب الضائع

اصبحنا في عالم جاف خالي من المشاعر الحقيقيه

عالم اختفت منه الرومانسيه والصدق والوفاء

ناقش نفسك كم مره وقعت في قصه حب

وماذا تركت في نفسك من اثر

هل علمت معك

هل تركتك مهموم ومحطم

الاجابه في الاغلبيه لا

الولد متفرقش معاه فلانه او علانه

والبنت اهو اي شاب لطيف وخلاص

هل نحن في عصر الجفاف في كل شيء حتي المشاعر

يحب الولد الفتاه ويمنيها سنين بالعش الجميل

وعند ما يكون قادر علي الزواج

يذهب لوالدته تخطب له مجهوله لا يعلمها

مع ان المجهوله

الي فاكرها معرفتش غيره

كانت بتحب واحد بردو وسابها لنفس السبب!!!!!!

طيب مانت كان معاك الي ملكك

والي مكنتش بتحب غيرك!!!!!

بس تعمل ايه في عصر اختفي منه المشاعر الصادقه!!!!

لنلقي نظره علي حب دام اكتر من سنه

احمد:دودو سوري انا مش هاقدر اكمل معاكي

انا مضطر اسافر

دودو::طيب استناك

احمد:لا يا بيبي ممكن مش ارجع

دودو:طيب وحبنا

احمد:حب ايه بس يا بنتي هو انا لاقي اكل

علشان احب واتجوز

دودو:يعني كنت بتهزر ومكنش حب!!!

احمد:لا طبعا كنت معجب ومازلت

بس هاعمل ايه

دودو:اوك ربنا يوفقك

<<<<<<<وكل واحد مشي في طريق>>>>>>>

لا قلب اتحطم ولا عيون دمعت

احمد هيحب تاني وتالت

ودودو هتحب او تستني العريس

ونموذج تاني

تامر:نانسي انا مضطر اسيبك

نانسي :ليه يا تيتو

تامر:ماما جابتلي عروسه ولازم اتجوزها

نانسي:طب وانا

تامر:معلش يا نانو احنا بردو هنفضل صحاب

نانسي:انت شايف كده

تامر:سوري يا بيبي

نانسي:عادي ولا يهمك اي دونت كير

[ندعوك للتسجيل في المنتدى أو التعريف بنفسك لمعاينة هذه الصورة]

ولا عين بكت ولا قلب انجرح

ونماذج كتير

وانا متاكد انكم تعرفوا كتير عنها

وممكن تكونوا ابطالها

يلا الله يرحم زمن عبد الحليم

وروميو وجوليت

وكل قصص الحب الرائعه

واهلا بزمن الجفاف والفتور

والعلاقات البارده الزائفه

وقصص حب التيك اواي

وحب اليوم الواحد

وحب الشواطيء والنت وغيره!!!!!!!!

بــــــــــــــــس اكيد فيه حب بجد

نحس بيه

نحس بالدفى معاه

تطير كده ويااااااااااه مع قلب يحبك بجد

يحس بيك وتحس بيه

هوه ده الحب

من طرف **ساجدة** 25/4/2009, 04:31

انا مش عارفة ازاى ممكن نسمى اللى بين تيتو ونانسى ولا بين احمد ودود ده حب
ده اى حاجة الا الحب حاجة اقل كتييييييييير من الحب مالهاش علاقة به من الاساس
انا شايفة الحب انى اكون انا وحبيبى روح واحدة لو حد فينا غاب عن التاى تغيب وماترجعش الا برجوعه
تغيب روحى تغيب دنيتى ومايكونش فيه حياة الا فى وجود حبيبى
الفرحة ماتعرفش الطريق لقلبى الا لو مرت على قلب حبيبى وفرحته قبلى والدمعة اخدها من عيون حبيبى وارسمها فى عيونى وارسملله بدالها اجمل فرحة تسعد قلبه
لسانى ماينطقش الا اسمه وعينى ماتشوفش الا صورته ولو زعلنا بكلمة نرضى بوجودنا مع بعض الدنيا تكمل سعادتها ونعرف معناها
متهيالى اللى مممكن يحس بالمشاعر دى ممكن يضحى بعمره كله لكن مايضحيش بالحب ده
ممكن يستغنى عن الكون كله لكن مايستغناش عن حبيبه
ممكن يموت لكن حبه يفضل عايش
انماتيتو ونانسى معاهم ربنا دول شكلهم كان عندهم شوية وقت مش عارفين يشغلوه سمعوا عن حاجة اسمها حب قالوا نشغله بكلمةة اسمها بحبك وبعدين ربنا يحلها
بجد لو كل الناس بقت كده يبقى على الدنيا وربنا يعوض علينا وخلاص الدنيا كده انتهت على الاقل من وجهة نظرى
حبيبتى موضوعك اكثر من رائع
يسلمو حبيبتى واسفة للاطالة
فى انتظار جديدك ديما
تحياتى

من طرف **برنس مصر** 27/4/2009, 04:32

موضوعك فوق المتميز يابرنسيسه ياقمر

حلو اوووى وبجد دى بقت حقيقة واقعية محدش بقى بيحب بقلبة

ومشاعرة كلة بيسلى وقتة وفراغة وعلى فكرة

العيب فينا احنا مش فى الزمن احنا الا خلينا حياتنا كدة

كلها فراغ ولعب وتسلية والحب مش بقى حب لانة مش صادق

ولا نابع من القلب نفسة والجزء المسول عن الاحساس والعاطفة

بقى جامد وعشان نخلى الحب يرجع زى زمان

قولى للزمان ارجع يازمان على رأى ام كلثوم

نحب بعض بجد من قلبنا منحبش عشان

غرض معين نبقى واضحين فى حياتنا

ونحاول مش نكرهة حد او نشيل

منة اكيد القلب هيصفا ويرجع الحب تانى

وبجد موضوع روعه ومتوقعه منك ياقمر

لكى ارق تحياتى وفى انتظار الجديد والمميز منك يابرنسيسه

هاتى ماعندك هرتينا مواضيع حلوه بجد بدون ب ح

من طرف **ملكة الاحساس** 27/4/2009, 13:33

الموضوع بجد رائع ياقمر

والكلمة ديه بقيت سهلة اوي دلوقتي

لانها مش مبنيه علي حب صادق او حقيقي

ودلوقتي معظم الشباب بيتسلي ووكل دا بيبقي تضيع وقت الفراغ اللي بيعشوه طول وقتهم

بجد الموضوع جميل جدا وعايز كلام كتير

ميرسي ياقمر

ارق تحياتي

من طرف **ملكة مصر** 29/4/2009, 23:12

أشكرك برنس مصر الغالي

ولسه هو انت لسه شوفت مواضيع

ده انت هتشوف مواضيع وعلي فكرة

هتكون ب ح

من طرف **ملكة مصر** 16/5/2009, 18:36

اميرة مصر كتب:
انا مش عارفة ازاى ممكن نسمى اللى بين تيتو ونانسى ولا بين احمد ودود ده حب
ده اى حاجة الا الحب حاجة اقل كتييييييييير من الحب مالهاش علاقة به من الاساس
انا شايفة الحب انى اكون انا وحبيبى روح واحدة لو حد فينا غاب عن التاى تغيب وماترجعش الا برجوعه
تغيب روحى تغيب دنيتى ومايكونش فيه حياة الا فى وجود حبيبى
الفرحة ماتعرفش الطريق لقلبى الا لو مرت على قلب حبيبى وفرحته قبلى والدمعة اخدها من عيون حبيبى وارسمها فى عيونى وارسملله بدالها اجمل فرحة تسعد قلبه
لسانى ماينطقش الا اسمه وعينى ماتشوفش الا صورته ولو زعلنا بكلمة نرضى بوجودنا مع بعض الدنيا تكمل سعادتها ونعرف معناها
متهيالى اللى مممكن يحس بالمشاعر دى ممكن يضحى بعمره كله لكن مايضحيش بالحب ده
ممكن يستغنى عن الكون كله لكن مايستغناش عن حبيبه
ممكن يموت لكن حبه يفضل عايش
انماتيتو ونانسى معاهم ربنا دول شكلهم كان عندهم شوية وقت مش عارفين يشغلوه سمعوا عن حاجة اسمها حب قالوا نشغله بكلمةة اسمها بحبك وبعدين ربنا يحلها
بجد لو كل الناس بقت كده يبقى على الدنيا وربنا يعوض علينا وخلاص الدنيا كده انتهت على الاقل من وجهة نظرى
حبيبتى موضوعك اكثر من رائع
يسلمو حبيبتى واسفة للاطالة
فى انتظار جديدك ديما
تحياتى

شكرآ لكي ردك الرائع يا أميرة

تحياااتي

من طرف **ملكة مصر** 16/5/2009, 18:39

ملكة الاحساس كتب:
الموضوع بجد رائع ياقمر

والكلمة ديه بقيت سهلة اوي دلوقتي

لانها مش مبنيه علي حب صادق او حقيقي

ودلوقتي معظم الشباب بيتسلي ووكل دا بيبقي تضيع وقت الفراغ اللي بيعشوه طول وقتهم

بجد الموضوع جميل جدا وعايز كلام كتير

ميرسي ياقمر

ارق تحياتي

اشكرك يا منار

قالى خلينا اصحاب قولتله ولايهمك اي دونت كير

قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير

رد: قالى خلينا اصحاب قولتله ولايهمك اي دونت كير