20 كدبه بيقولها الشباب للبنات, بطلواااااااااا كدب بقى

من طرف **ملكة الاحساس** 16/4/2009, 01:53

20 كدبه بيقولها الولد للبنت طبعا هما اكتر من 20 بس جبت الحاجات اللى شغالة اليومين دول

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض)

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-(يااه يا حبيبتى انتى تؤمرى وانا انفذ اللى انتى عايزاه اجبهولك(فى المشمش

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)
9-(عايز اشوفك كل يوم كل ساعه كل ثانيه(عشان اصحابه يتأكدو انها حلوه

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

محدش يا شباب يزعل منى

بس ده بيحصل ولا لا

من طرف **رائدحسنى** 16/4/2009, 02:04

هههههههههههههههههههه

لا فالحة الستات مش بيعروفوا يكدبوووووا خالص

يالهووووووووووووووى

بجد يالهووووووى منك

ليه بقى ده من منطلق أننا أحفاد ابو لمعة

يا بنتى انتم نجوم هذا الزمن انتم نجومه

هههههههههههههههههه

ربنا يستر علينا منكم بس

اوعوا تزعلو ا يا بنات

مرسيى يا منار يا عسل

تحيااتى القلبية

من طرف **ملكة الاحساس** 16/4/2009, 02:07

لا يارجل دا علي اساس اننا بنعذبكوا ولا ايه

دا احنا ملائكة ياراجل

بس انت اللي مش تعرف كويس

كل دا في قلبك للستات

مااااااااااشي يارائد

نورت ياجميل

ارق تحياتي

من طرف **ملكة مصر** 22/4/2009, 00:49

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ) 16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

-عارفه يا حبيبتى انا طول الليل منمتش قاعد بفكر فيكى
(بس
على ميين ترد عليه تقوله اومال مين اللى كان نايم و مبيردش على التليفون؟
بس كالعاده الرد جاهز............ياااه انتى تقصدى الخمس دقايق اللى نمتهم
دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

هههههههههههههههههههههههههههههههه

يابنتي هو ده كلامهم العادي
بس برافو عليكي يامنار
موضوع جميل جدآآآآآآآ

ميرسي ياقمر

من طرف **ملكة الاحساس** 5/12/2009, 18:01

انا عارفة ياقمر

انا مش بجيب غير حاجات موثوق فيها

هيا الرجالة لما تبقي غلطانة تقعد تزعق زي ما رائد عمل بالظبط

هههههههههههههههههههههه

بيداري موقفه

ميرسي برنسيستي نورتيني ياجميلة

من طرف **جوجو** 8/12/2009, 22:55

هههههههههههههههههههههههههههههههههههههههههههههه
فعلا هم دول الرجال
وكل الى بيقال اسطوانات مشروخه وحجج فارعه
برافوا عليكى منار
ايوه كده طلعى عينهم
هههههههههههههههه
موصوع جميل جدا
تحيااااااااااااااااتى ياقمر

من طرف **الامير المصرى** 9/12/2009, 15:24

هههههههههههههههههههههههههه

وانتو اكيد ملاك طاهر متعرفوش ولا الكذب ولا الخداع

لو حبيتى تعرفى انتو بتهملو ايه قومى بزياره لمستشفى المجنين وانتى تشوفى

خيركو علينا قد ايه

من طرف **ملكة الاحساس** 15/12/2009, 22:17

ميرسي جوجو للمرور الجميل

لكي تحياتي

من طرف **ملكة الاحساس** 15/12/2009, 22:19

الامير المصرى 55 كتب:
هههههههههههههههههههههههههه

وانتو اكيد ملاك طاهر متعرفوش ولا الكذب ولا الخداع

لو حبيتى تعرفى انتو بتهملو ايه قومى بزياره لمستشفى المجنين وانتى تشوفى

خيركو علينا قد ايه

لا احنا مش قلنا اننا ملائكة

ولا انتوا كمان ملائكة

والحمد لله اللي بيجننوا هما اللي بيعملوا في نفسهم كده

هههههههههههههههههههههههههههههههه

ميرسي فارس للمرور

لك ارق تحياتي