هس هس كلمة فى ودنك

من طرف **ساجدة** 6/10/2008, 18:29

السلام عليكم ورحمة الله وبركاته

عزيزتى النهاردة انا جاية اقولك كلمة فى ودنك
بس خلى بالك دى سريعنى لازم تحافظى عليه
السر ياستى هو

هو
123لاداب الضيافة
ازاى تبقى ضيفة خفيفة ومرغوب فيكى عند الاهل والاقارب؟
هاقولك السر اهو هما 10 اسرار احفظيهم كويس يلا بينا عدى معايا

1- خدى معاكى اللبس اللى يكفيكى علشان ماتفرضيش على اهل البيت عبء ملابسك وغسيلك

2-بلاش تستعملى التليفون الا للضرورة القصوى وسريعة واوعى تشغلى التليفون علشان متضايقيش اهل البيت

3-اول ماتصحى رتبى السرير اللى نمتى عليه وافتحى شبابيك الاوضة واحرصى انك تساعدى ربة البيت فى كل حاجة فى شغل البيت طول فترة اقامتك عندها

4- لو خرجتى من اوضة اطفى انوارها اذا ماكانش فيها حد
5-خدى معاكى ادواتك الشخصية الخاصة زى الفوطة والمشط والصابون والحاجات اللى من النوع ده

6-لما ترجعى من برة وتستخدمى الصابونة علشان تنضفى وشك من اثار الطريق بعد ماتستخدميها خليها تحت الماء شوية علشان تشيلى اى اثار من اثار الطريق

7- جففى الحمام وماتسيبيش ماء على الارضية

8- بلاش ترغى فى حاجات مالهاش داعى ومتديش نصايح لمجرد انه يتقال عليكى ذكية والسلام او صاحبة فكر

9- طيب مش هاوصيكى لازم كلمات الشكر بعد انتهاء الزيارة

10-لازم فى بداية الزيارة تقدمى هدية بسيطة وياسلام لو تجدديها اخر الزيارة يعنى تكررالحكاية وتجيبى هدية تانية تفيد صاحبة البيت

ايه رايكم بقى
اتمنى اكون قلت حاجة كويسة تنفعنا
ونتعلم منها اتيكيت الزيارات
تحياتى للجميع
عايزة ارائكم بسرعة اوعوا تنسوا

من طرف **برنس مصر** 6/10/2008, 18:52

وااااااااااااااااااااااااااااو روعه أميره مصر

يسلمو ايدك بجد معلومات تفيد كل بنت وكل شاب ايضا

اختيارك للمواضيع يعجبنى

اى نعم هو تطقل منى ولكنى حبيت أقولك شكرا لكى أميرة

من طرف **ملكة مصر** 6/10/2008, 19:48

أفادك الله أميرة مصر

معلومات قيمه فعلآ
تقبلي مروري

url=http://forums.ar-top.com/][ندعوك للتسجيل في المنتدى أو التعريف بنفسك لمعاينة هذه الصورة][/url]