موقف حدث لى كله عظه

من طرف **saso love** 8/7/2018, 00:35

امبارح وانا بصلي العشاء في المسجد

خدت بالي أن في بنوتة دخلت قبل إقامة الصلاة
على رف المصاحف فتحت اكتر من 20 مصحف
ادامي تفتحه تقرأ فيه كلمة أو حتى تبص بصه سريعه
وترجع تقفله وتفتح غيره...استغربت منها قربت منها وسالتها
هو انتي بتدوري على حاجة اللي مكتوب هنا مكتوب في كل المصاحف. ...
قالت لي أنا بدور على المصاحف اللي شكلها وطباعتها قديمة
وبقرأ من كل مصحف منها أي ايه بتقع عيني عليها بالصدفة لاني واثقة
ان الناس لما بتدخل بتقرأ في المصاحف اللي طباعتها جديدة
وعندي يقين أن أصحاب المصاحف ده ممكن يكون منهم اللي مات
ومنهم اللي مسافر ومنهم اللي مريض فأنا حبيت أوصل لهم ثواب
لعل منهم من كان في قبره يحتاج لصدقه تخفف عنه...لعل منهم
مريض يحتاج لصدقه ترفع بها ألمه. ..لعل منهم من كان في كرب
فيفرج الله عنه بأية اقرئها...لعل منهم من كان على معصية فتأتي قرأئتي
له حسنة فترد عنه سيئاته. .....ضحكت وقالت لي لعل الله يهيئ لي
عمل صالح يشفع لي من بعد موتي.....
منطق انك تكون قاصد تبعت حسنات لناس لا تعرفهم ولا يعرفوك وحريص
على ايثارهم في الثواب. ..منطق راقي مقبلتوش قبل كده. ..
لما تدخلوا المساجد امسحوا التراب من على المصاحف القديمة واقرأ فيها .....
.لما تلاقوا كولدير ماية انزلوا اشربوا منه. ..لما تلاقوا شجرة اقفوا تحتها ثواني وادعوا للي زرعها ......
لما تلاقي سبحة قديمة في بيت جدك امسكها سبح عليها ....
لما تلاقي كتاب في رف مكتبة قديمة افتحه واقرأ منه سطر .....
.ابعتوا حسنات لمن فارقونا ولم نقابلهم. ....ابعتوا حسنات لساكني القبور ..
.لعل لقاء قريب يجمعنا في جنة عرضها السموات والأرض.