رد: (( كرسي المواجههـ عضوين )) ارجووووو التثبيت !!

من طرف **saso love** 1/6/2013, 21:48

ليه ياريماس زعلتينى ياحبيبتى
وعموما انتى طبعا صاحبة الموضوع
لكى الحق توافقى وترفضى ويلا يارامى وشف حد تاننى غيرى انا قلت لك اللى فيها

من طرف **OJJIpJICJI** 10/7/2013, 22:05

فين رامـــى ياجماعــه المــوضوع محتاج لوقفـــه أنــا بجد بحب الموضوع ده أوى

وبحب التحدى موووووووت وبحب الإثـــاره والمواجهه والــضــرب من تحــت الحـــزام !!!

من طرف **ريماس** 12/7/2013, 23:38

فينك بس ياروميو
الموضوع حمض يابنى يلا بقى
كل سنة وانتو طيبيييين
رمضااااان كرييييم

من طرف **OJJIpJICJI** 13/7/2013, 01:35

الله أكـــرم ريمــاس نورتـــى مكانكـ

وياريـــت يارميــو مش تغيــب عشـــان الموضوع واقــف عليكـ يامــان

منتظرينكـ .. شــد حيلكـ وتعالــى !!!

من طرف **مصراوى** 14/7/2013, 18:40

ياروميو يلا خلص وتعالى بسرعه منتظرينك اهو

من طرف **برنس مصر** 14/7/2013, 18:49

السلام عليكم ورحمة الله وبركاته

انا جيت اعزرونى ياجماعه بتعرفو طبيعه شغلى

وسامحونى ع التقصير وشكرا ادم وريماس

وساسو وشكرا للجميع وسامحونى على الغياب

يلا نبدا شوفو عاوزين ايه وانا موجود وعيونى لكم

وانا اخترت ريماس وانشاء الله توافق للدطيبمعايا يلا ياريماس اتفضلى

اول سؤال لريماس

كلمينا شويه عن طباعك وعلاقاتك بالأخرين

وقولى لنا رمضان عامل معاكى ايه

طبعا كلنا دعينا لوالدك بالرحمة ومش تزعلى وادعى له بالرحمه دائما

اللهم لا اعتراض على حكمه ربنا ونسأل الله ان يلحقنا بهم على خير

رسماس كل من عليها فان ويبقى وجة ربك ذو الجلال والأكرام . صدق الله العظيم

ريماس ياترى انتى اشتغلتى ولا بعدك فى البيت ؟ ولو اشتغلتى اشتغلتى فين وايه

اتمنى تكون اسألتى خفيفه عليكى

ومنتظر اجوبتك ومعاها اسألتك ان شاء الله وشكرا لأدم

من طرف **OJJIpJICJI** 15/7/2013, 16:55

ميرســـــى حبيبـــــــى روميــو على اللفتــه الجميلــه دى !!

~~ شايفين والله ياجماعه الأسئلــه لذيذه موووووووت والبرنس بيقول أحلــى كلام

منتظريــن الطرف الثانـــى هايقدر ياترى يرد على الأسئله دى وكمان يسأل كام سؤال جامــد كده وشيكـ من عنــده ولا ايه !!!

مش شايفين أى حاجه لسه ياجماعه من الطرف الثانـــى ~~ على العموم ننتظــر الطرف الثانــى جميعــاً

من طرف **ريماس** 15/7/2013, 21:30

مساء الفل على ام الدنيا ورواد واعضاءوادارى ام الدنيا
تسلملى ياروميو ربنا يخليك ياقمر
انا جيت اهوووو وهجاوبك ياروميو

كلمينا شوية عن طباعك وعلاقتك بالاخرين
ورمضان عامل معاكى ايه

والله ياروميو انا بحب الناس اوى وبتعلق بيهم اوى اوى
تقريبا اكتر من اللازم ومش بدى خوانة لحد حتى لو شفته بيخوننى
اكيد ده عبط وهبل انا عارفة بس معرفش ابقى غير كده
عشان كده فى الفترة الاخيرة قررت اقتصر عن الناس
يعنى مشيت على طريقة يانحلةلاتقرصينى ولاطالب منك عسل
اكيد بردو مش مرتاحة بس اهو احسن من غدر الناس كده تمام اوى

اما عن رمضان الشهر الكريم العظيم ده
ف والله ياروميو يااخوية اناكليوم بعيط من الساعة 5 العصر من العطش
ببقى نفسى اشوف المية معدية كده من قدامى فعلا رمضان ده حراووووى
ربنا يقويناويقويكو اكيد كلالناس عاملةزيى كده بتعطش من بعد الفجر بساعة
صحيح كل سنة وانتو طيبين جميعا وام الدنيا بخيروربنا يصلح حال البلد دى ويرحمنا بقى
كل سنة وانت طيب ياروميو

ميرسى ليك يارامى ويارب محدش يعزيك ابدا
ربنا يرحم بابا ويسكنه فسيح جناته اكيد الدنيا بعد موته ملهاش اى طعم بس ادينا عايشين
وان شاء الله قريب هروحله واشوفه محدش هيخلد على الدنيا
وعن الشغل انا مقيمة فى البيت لانى مدخلتش امتحانات الترم التانى
بسبب الظرووف اللى كلكم عارفينها يلا مليش نصيب السنة الجاية بقى

من طرف **ريماس** 15/7/2013, 21:41

ودلوقتى اسئلتى ليك ياروميو
للصائم عند فطره دعوة لاترد
ايه الدعوة اللى بتدعيها كل يوم قبل الفطار؟

من طرف **saso love** 16/7/2013, 00:03

أخيرااا رامى وصل باسلامة نوورت يابرنس
وكمان ريماس نورت اسأله جميله من رامى واجوبتك جميله رمووووووووووسة
والله يرحم باباكى وكل موتى المسلمين وكل من عليها فان يا رموسه
وكل عام وانتى بخير
تعال بسرعه يارامى سؤال سهل جداا ههههههههههه