القضيه بقت مهلبيــه ؟؟

من طرف **OJJIpJICJI** 25/6/2012, 01:38

اولا ارجو منكم جميعا المعذرة على ما ستقرأونه هنا واعذروا اسلوبى
المتدنى ولغتى العاميه

المقدمة

قد قاومت قلمى كثيرا ولكنه فى النهاية غلبنى وكنت لا اريد ان اخط
مثل تلك المواضيع هنا ولكن ســاح قلمى من الصمت وانا لا املك
غيرة فهو لسانى الذى اتحدث به وسيفى الذى اقاتل به فارجو منكم ان
تعذرونى على ما أخطيته هنا ,,,,,,,,,,

الموضوع

ماذا تعنى القضيــه فى نظر الامه العربيه ؟؟؟!!!

القضيه طبق ملوخيه وشويه تقليه وحلاها عسليه
من الاخرالقضيــه بقت مهلبيه!!!

غزة

مدينه عربيه فى دولة اسرائيل الابيه تحيا حياة هنيه
ولا يوجد عليها قصف بالطائرات ولا ضرب مدفعيه

ساكنيها امة متخلفه رجعيه ينتمون من بعيد للامة العربيه
اسرائيل مهنياهم ومدلعاهم ومعيشاهم عيشه بهيه وهنيه
كل يوم قاتلين تلاتين اربعين او ميه بس اسرائيل هى الضحيه
اسرائيل هى الامة الابيه واهل غزة ناس مجرمين تتصوروا
انهم ليهم بالحجارة ضاربين وكمان جرحين ومعوورين اتنين
شوف بقى اسرائيل الغلبانين ما عملوش حاجة بس خمسين
صاروخ ضاربين والف بيت قاصفين وكام مسجد هادمين
وحوالى الف واحد اسرين وبتاع ميتين قاتلين

..... والعرب عايشين نايمين واكلين ولاسرائيل محبين
تصور انهم لغزة محاصرين وبيتفرجوا وساكتين عشان يرضو
الخواجات الامريكانين ويروح هدر دمك يا فلسطين ويروح
هدر دم الشهداء الميتين ويرووح هدر دمع الاطفال المساكين
وتروحى ببلاش عشان بكاش راح ولا جاش بس يا ريت ما
ينساش ان الليل هينحاش وهيجى اللى ما جاش وخليه حتى لربه
ما يخشاش وينفخ الفشاش
وقرب قرب شوف وجرب خونه للبيع والبلدان بتضيع .....

والله يا امة بقيتــى أو صرتــى غمة وما فيه همة 2 مليار لبسوا العمة
ونزلنا من القمه وصرنا شعب غبى عذرا بل رمة
لا نملك الا تنديدا وتبديدا والأخــر رمضان مباركـ وعيدكوا سعيــد لا مش سعيــد يافرحــتــى

فينكــوا يا عرب كل واحد فى كل ثوب هرب وبيت فلسطين
اتخرب وملوكنا واكلين ونايمين سعداء متهانين تصووور
جالهم تخمة ونقرص من كتر اللحمة وفلوسهم عاملة زحمة
الرحمة يارب الرحمة والعملــه يجى الف رزمة ورزمة

وكلكوا شوفتوا ادى ريس وادى ريس وكله على الكرسى متيـس

لكن ربنــا ورانا فيهم احلــى رد اللى مات وسط بلده واللى انهان وانداست كرامته والاخر فى طره بين القضبــان وروحه فى الهواء بمــرار

ودا بالنسبه لحسنــى مبــاركـ والرجاله اللى معاه

ودلوقتــى داخلين منعطــف (مرسى ) ربنا يباركـ لأمتنا كلها به ويحركـ جميع الجيوش العربيه نحو البطــلان ولقهــر الإنجليــز الأوربيين الصهيونيين ولا ننســى جميع البلدان بثوراتهــا

تونس غاليه بثورتها ليبيا عاليه بكرامتهــا مصر قائده للحريه وسوريا تقول للحديث بقيــه
وفلسطين يا ناس فلسطين بتبكى منهزمة والامة عند امريكا
منعزمة وفيما بينها طبعا منقسمة مصر عشان ماتش كورة
واليمن عشان الحوثى الفرفورة
والسعوديه على الحدود مقهوورة ولبنان يا عينى مكسوورة
وسوريا نامت سوريا المنصووورة

وضعتى يا امه يا عربيه

وضاعت الهمة الثوريه وماشيين ورا الانقياديه وملتزمين
بالحياديه ومبروووك عليهم فلسطين والدوله العراااقيه
فين الجنود فين القوة العسكريه ولا الجيوش خلف الحدود
مستخبيه

لامتى يا عرب لامتى الصمت والسكووت يلا نحارب يلا نمووت
يلا نحارب يلا نموت يلا نحارب يلا نمووت
بدل ما نموت من العار ومن السكوت والعمر يا عرب عمال
يفوت
وامريكا بقــت هيا الحووت واسرائيل شايله نبووت والعرب

هش هش سكوووووت

وبقيتى مهلبيه يا قضية يا عربيه

اسوود الامة

[ندعوك للتسجيل في المنتدى أو التعريف بنفسك لمعاينة هذه الصورة]

كتـــب

((آدم علــــــى )) الملقـب معكـم ((بالجنــــــــــــرال))

من لم تروقه الكلمات ولم يروقه الطرح فليخبرنى رجاء

وعذرا على الاطاله

احتــــــرامــى للقارئ المتفاهــم .......

من طرف **بنت الاسد** 25/6/2012, 02:16

نعم قضايا الامه العربيه مهلبيه
عجبني الموضوع لان حقيقة العرب مخزيه
تسلم ع الطرح اخي الفاضل

من طرف **اشتكي غلاك** 25/6/2012, 09:08

راااائع ياآدم على هاااي الموضوع
عجبني كتيييير بيحكي الواااقع المرير
يسلمو الدياات يارب
تحيييتي الخالصة لك

من طرف **saso love** 25/6/2012, 14:36

المشكله مش فلسطين بس المشكله يا ادم
ان الامة العربية مفتته وياترى مرسى هيعمل ايه ولا ايه
هيشوف التفكك اللى عندنا فى مصر ولا هيراعى اخواتنا الفلسطينيين ولا هيبعت اغائة لليبيا ولا ناس يحاربو فى العراق ولا سوريا ولا اليمن فيه حاجه غلط من اجل تفكيك الامة العربية وفلسطين تائهه
مرسى جه فى وقت خطير انا اتمنى انه يكون عقليته وتفكيرة كبير
ويكون رئيس متحضر فاهم الحمل تقيل والامة العربية فى غفل وزى مانت قلت مهلبية
شكرا ادم لكتاباتك

من طرف **الامير المصرى** 25/6/2012, 15:10

اللهم فك اسر المسجد الاقصى

اللهم ارزقنا بصلاح الدين الايوبى

اللهم اصلح احوال المسلمين فى كل مكان

تسلم ايدك اخى ادم
تقبل تحياتى

القضيه بقت مهلبيــه ؟؟

القضيه بقت مهلبيــه ؟؟

رد: القضيه بقت مهلبيــه ؟؟

رد: القضيه بقت مهلبيــه ؟؟

رد: القضيه بقت مهلبيــه ؟؟

رد: القضيه بقت مهلبيــه ؟؟