نشرة اخبار مصر ام الدنيا

من طرف **ساجدة** 23/6/2009, 19:28

السلام عليكم ورحمة الله وبركاته
اصدقائى وصديقاتي الأحباء
النهاردة أنا فكرت إننا نعمل نوع من التواصل متهيالى انه هيفيدنا كلنا علشان نعرف أخر المستجادت فى منتدانا الحبيب
كنير مننا بيعمل موضوع ومحدش بيحس انه فيه موضوع جديد للعضو ده وأكيد بنزعل
وكمان كل يوم بيكون عندنا جديد في منتدانا أعياد ميلاد أو نجاح أو اى مناسبة سعيدة أو حتى كانت لا قدر الله مش سعيدة
بينضم لينا أعضاء جميلة كل يوم وأكيد بيتمنوا يحسوا إننا بنرحب بوجودهم معانا حتى لو هما ماطلبوش الترحيب مننا
بيكون عندنا كل يوم موضوعات مميزة بجد تستحق المتابعة والإشادة بصاحبها
عندنا كمان مسابقات وأفكار من أعضاء لها فكرها الجميل المميز
بس للأسف ممكن ده كله محدش يحس بيه لو اختفى الموضوع بعد رد واحد أو ماشفناش الأيقونة اللي بتعرفنا انه فيه مساهمة جديدة
اللي بيتابع كل الأقسام أو حتى جزء منها هيلاقى انه لو تابعنا الموضوعات في كل الأقسام هتلاقى ممكن موضوع يكون فيه بس رد أو أتنين ولو قريت الموضوع هتلاقى انه بجد يستحق التميز ويستحق صاحبه كل التقدير لأنه فعلا مميز في موضوعاته وأفكاره
تيجوا كل يوم نلقى الضوء على مستجدات منتدانا
هتقولولى هنعمل ده ازاى؟!
أنا فكرت نعمل حاجة زى نشرة أخبار لمنتدانا هنكتب فيه كل جديد والموضوع هيكون مغلق بمعنى انه مفيهوش اى مشاركات من الأعضاء ولا حتى الإدارة إلا فقط المسئول عنه وعلى فكرة المتابعة للموضوع مش شرط تكون منى أنا
أنا بس اطرح الفكرة اللي بيتابع اكتر هو اللي ليه الحق انه يكون مسئول عن النشرة دي
وكل خبر هيكون في النشرة هتتم إضافة اللينك بتاعه علشان نقدر نتابع كلنا مجهود وموضوعات بعض
أتمنى الفكرة تكون واضحة وأنها تكون عجبتكم
في انتظار أرائكم ولو تمت الموافقة على الفكرة هنبتدى في تنفيذها فورا

مع ارق تحياتي للجميع

أميرة مصر

من طرف **همس الدموع** 23/6/2009, 19:54

انا موافقه ياباشا

ويلا بقى بقالنا 3 ساعات بنتكلم فى النشره
عايزه اشوفها بسرعه
وانا متاكده اننا هناخد النشره على حسابنا
هوه احنا ورانا حاجه
هنخربها يامعلم

من طرف **ساجدة** 23/6/2009, 21:34

يا ربى على اللماضة
البت تسيب حقها في كل حاجة إلا اللماضة
إن شاء الله نشوف رأى باقي الأعضاء وان شاء الله نبدأها قريب
ميرسى حبيبتي للمتابعة ولرأيك يا قمر
في انتظار باقي الأراء

من طرف **برنس مصر** 23/6/2009, 21:46

جميل جدااا أميرة مصر

وبجد موضوع حلو مثلك

وتم التصويت بنعم طبعا

لكى ارق تحياتى

واشكرك على مجهوداتك

من طرف **ساجدة** 23/6/2009, 22:07

ميرسى رامي على ذوقك وردك

وأكيد طبعا لرأيك في الفكرة
[b]ميرسى ليك
[/b]

من طرف **عراقي** 24/6/2009, 01:12

بصي بابنتي ياسمسمه
اولا باشكرك على افكارك
ثانيا الموضوع يكون بالشكل التالي
النشره بتصدر يوميا الساعه عشره مساءا
وعلى كل منا من يكتب موضوع جديد او عندو فكره كويسه يرسلها لك برساله خاصه وانتي بتجمعي كل الموجود وبتصدري النشره وبكده ايكون الواحد حيعرف ايه اليكون بكره
مثال انا ارسلك رساله بصي ياباشا ائولك اني حاكتب او كتبت او عملت او حاعمل او انتا مريض او او ائولك عن سر او في حد بعمل عمايل اهو وانتي بشطارتك تجمعي وتكتبي الاخبار يوميا وبذلك حيكون موضوع مشوق لينا وبنتابعو اهو برنوح الاخبار وحنجد كل حاكه لاربع وعشرين ساعه من العاشره للعاشره اليوم الثاني
ومش بس كده عليكي تشمشمي الاخبار وتعيني مراسلين ليكي وانتي وشطارتك
ياله وريني الشطاره حتكون ازاي وانا واثق انك ادها وائدود
تحياتي واكون او من يرسل لك الاخبار مباشره وابتداء من اليوم
ماشي
تحياتي يلبلشا
اخوك عراقي

من طرف **حنوووون مصر** 24/6/2009, 01:37

فكره جميله جدااااااااااااا

وهتساعد كتير جدااااااااااااا

بالتوفيق دايما ومن تقدم لتقدم

تحيااااااااااتى حنوووون

من طرف **شاعر الحب** 24/6/2009, 03:49

تم التصويت وبالتوفيق

الى الأمام دائما اميرة مصر

من طرف **رائدحسنى** 24/6/2009, 12:53

موافقون طبعا

تسلمى على الفكرة أميرة مصر

متميزة وكمان لو نقدر نخليها على شكل رسايل يومية

على الأيميل الشخصى بالمواضيع الجديدة تصل للجميع الأعضاء

والمشرفين جميع المتواجدون فى منتدياتنا الجميلة هتكون أرووع

يارب يكون فى طريقة إننا نطبقها رسايل نشرة اخبارية بصورة دورية على

الأيميل هتكون أفضل وأروع طبعا

تحيااتى اليك

من طرف **ساجدة** 24/6/2009, 16:11

السلام عليكم ورحمة الله وبركاته
اصدقائى الأعزاء بعد أن تم طرح فكرة النشرة للاستفتاء ونالت موافقتكم الكريمة نبدأ اليوم أولى نشراتنا اليومية

نبدأ بموجز الأنباء
....................
-أعضاء جدد انضموا إلينا بالأمس
-العميل السري موجود بينا يا ترى هو مين؟
-الرقيقة ميرا على كرسي الاعتراف وفى انتظار أعضائنا الحلوين
-أميرة مصر تعلن رحيل قلبها في قلم الأعضاء
-همس الدموع مشرف لمنتدى قلم أعضاء مصر أم الدنيا
-همس الدموع تنشر لنا يوميات عشقها فى قلم الأعضاء
-زهرة منتدانا ونجمتنا استر لينا واغانى جديدة في كلمات الاغانى
- الروش بيدو اختار لنا حب أبدى وسأرحل لتكون أول موضوعاته بعد عودته إلينا من جديد
-أثناء تحرير النشرة أضاف لينا هشام فارسنا المغوار فارس مصر خاطرة جديدة بعنوان سأرحل وكمان اختبار لغة عربية لأعضاء المنتدى في قسم النكت
-خبر عاجل :ميرا ترسل الى الحزن
- من مصادر نشرتنا السرية عراقي وميرا في موضوع جديد بعنوان ميرا وعراقي في بيتك
جديد المنتدى:
تم فتح شات للمنتدى
انتظرونا مع تفاصيل النشرة

نشرة اخبار مصر ام الدنيا

هل توافق على بث نشرة يومية للمنتدى؟

نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا

رد: نشرة اخبار مصر ام الدنيا