تسريحة شعرك إيه؟ سبايكى ولا زيرو ولا أوزو موزو؟

من طرف **لؤلؤة** 12/10/2009, 04:56

أحدث افتكاســـات الشباب

تسريحة شعرك إيه؟ سبايكى ولا زيرو ولا أوزو موزو؟

الجمعة، 9 أكتوبر 2009 - 14:58
[ندعوك للتسجيل في المنتدى أو التعريف بنفسك لمعاينة هذه الصورة]

أوزو موزو أحدث قصات الشعر الشبابية
كتبت سارة الحلوس وسارة عزو

var addthis_pub="tonyawad";

فى صالون الشباب، أحدث صيحة فى تسريحات الشعر بعضها غربى مائة بالمائة والبعض الآخر صناعة محلية هدفها الأول توفير نفقات الحلاقة، وخلال السطور التالية نستعرض أحدث تسريحات الشعر للشباب.

الزيرو ليه ناسه
اكتشف جيل الشباب أن قصة شعر طلبة الكليات الحربية والشرطة تجذب العديد من الفتيات "لأنهم نفسهم يجوزوا ضابط"، لذلك يتبع معظم الشباب هذه القصة لاصطياد الفتيات، فيقول محمد النبوى إنه كان يرغب فى التعرف على إحدى الفتيات، وحاول ذلك بشتى الطرق دون أن يستطيع لفت نظرها، إلا أنه علم من صديقاتها أنها تعشق الضباط، معلقا "حلقت شعرى زيهم.. وربنا يوفقنى أتعرف عليها".

قصه زيدان
استطاعت قصة شعر اللاعب زين الدين زيدان لفت نظر الشباب، لتصبح موضة مع إضافة بعض التغيرات الطفيفة التى ترضى ذوق روميو، حيث تحولت رأس الشاب إلى متحف يضم الحرف الأول من اسمه واسم الفتاة التى وقع فى غرامها، وهى التسريحة التى لجأ إليها تامر أحمد، إنه صنع تلك التسريحة ليحمل جانبا من رأسه الحرف الأول من اسمه بينما حمل الجانب الآخر الحرف الأول من اسم حبيبته.

دبور
تسريحة شخصية هيثم دبور فى مسلسل تامر وشوقية، استطاعت أن تحطم الرقم القياسى فى تقليد الشباب لها، خاصة أنها توفر ثمن الحلاقة الذى يتجاوز الـ15 جنيها، ويقول مجدى إنه يترك شعره بهذا الشكل "البشع" على حد وصفه، لأن والده قطع المصروف عنه مضيفا "أوفر ثمن الحلاقة لشراء السجاير".

السبــايكى
سؤال موجه لكل شاب: ما الذى ينتج عند تعرضك لصدمة كهربائية؟
الجواب: شعرى هيكون سبايكى آخر حاجة.
الشعر "السبايكى" يحتاج إلى المزيد من الوقت والجهد والذهاب إلى متخصص فى فن وعلوم الشعر السبايكى، نظرا لاختلاف نوعية الشعر وطرق تدويره.

أوزو .. موزو
واختلفت الآراء حول موضة "أوزو وموزو" والتى أصبحت ظاهرة واضحة بين شباب الجامعة والتى لم تلاق استحسان معظم الفتيات، مصطفى عبد الحليم قال "شعرى جامد جدا وعاجبنى كده وكل أصحابى البنات حبينه". مضيفا "مش فاكر آخر مرة حلقت إمتى بس تقريبا.. قبل رمضان".

وقالت هبة محمد "بَقرف منهم بجد لأنى بحس إنهم مش رجالة خالص بالعكس بيصغروا فى نظرى جدا". وأضافت نوران أسعد "هما بيعملوا كده عشان يلفتوا الأنظار لهم وياريتها حاجة حلوة، أى حد بيشوفهم بيضحك على منظرهم"، فيما قاطعتها أميرة عامر "دول عيال فرافير، بس أرجع أقول الموضوع حرية شخصية".

أما شريف محمد (طالب شرطة) وطبعا حالق شعره يقول "أنا كان زمان شعرى طويل قبل ما أدخل الكلية بس كنت بسيبه بالـ4 شهور، الكلية خلت شخصيتى تتغير ومش حاسس إن الكلية حددت حريتى، كده أحسن". ويصف عمر ممدوح "ده من التقاليع التى تظهر كل فترة، الواحد ممكن يطول شعره بس أهم حاجة يكون راجل".

موضة أخرى ظهرت فى أوروبا، وحتى الآن لم تصل لمصر وتسمى after sleeping"" وهى أن تجعل شعرك كما هو عليه من "نعكشة" من تأثير النوم وتذهب به إلى أى مكان.

من طرف **nooody** 12/10/2009, 11:32

هو دة بقى االتقليد الاعمى

بقيت حاجه غريبه

شكرا على موضوعك

من طرف **برنس مصر** 13/10/2009, 00:46

هههههههههههههههههههههههههههههه

أوزو موزو تصدقى فعلا شباب مش لاقى شىء يعمله غير

انه يتقلد بالغرب الصايع هههههههههههههه

شكرا لموضوعك عروسه موضوع متميز

تحياتى مش لكى بس لأ لرفيده الجميله كمان

من طرف **ملكة الاحساس** 13/10/2009, 09:06

هههههههههههههههههههههههههههههه

والله عالم فاضية

وياريت بيقلدوا صح وبيبقي شكلهم حلو

ميرسي عروستنا علي الصور اللي تنرفز ديه قال اوزو موزو قال

هههههههههههههههههههههههههههههههههههههههه

ميرسي ياقمر

تحياتي اليك

من طرف **رائدحسنى** 13/10/2009, 12:46

أوزو موزووو
والله غريبة بقينا بنفترى على نفسنا وتقاليدنا
ياريت بس الراجل يظهر راجل

يسلموووو يا قمر

تحيااتى وودى

[ندعوك للتسجيل في المنتدى أو التعريف بنفسك لمعاينة هذه الصورة]

تسريحة شعرك إيه؟ سبايكى ولا زيرو ولا أوزو موزو؟

تسريحة شعرك إيه؟ سبايكى ولا زيرو ولا أوزو موزو؟

رد: تسريحة شعرك إيه؟ سبايكى ولا زيرو ولا أوزو موزو؟

رد: تسريحة شعرك إيه؟ سبايكى ولا زيرو ولا أوزو موزو؟

رد: تسريحة شعرك إيه؟ سبايكى ولا زيرو ولا أوزو موزو؟

رد: تسريحة شعرك إيه؟ سبايكى ولا زيرو ولا أوزو موزو؟