هو إيه اللى حصل لنا

من طرف **برنس مصر** 29/5/2009, 15:19

ايه اللى حصلك يابلدى

[ندعوك للتسجيل في المنتدى أو التعريف بنفسك لمعاينة هذه الصورة]

معادنا النهارده مع قضيه جديده وكالعادة المهتم

فيها برئ مظلوم مش عارف ايه ذنبه او ايه جنايته

لكن للاسف الجناة فيها كتير وهسيب لحضراتكم

تحليل القضيه وتعرفونا مين الجانى ومين المظلوم

المشهد

يوم من التاريخ

يوم تغنى فيه كل العرب والعالم بشعب حقق نصر فى كل شئ

يوم تغنى فيه الوطن العربى كله بام العروبه

بلدى وبلدك

مصر

size=12][ندعوك للتسجيل في المنتدى أو التعريف بنفسك لمعاينة هذه الصورة]
[/b]

يوم كانت فيه بلدنا قبله حقيقيه لكل خير وانجاز

يوم كانت فيه بلدنا قبله للعلماء والمفكرين والمثقفين

يوم كان فيه بلدى ام الادب فى العروبه بطه حسين و بنجيب محفوظ ومعاهم اساطير واساطير

يوم كانت بلدى فيها كوكب الشرق وعندليبه الاسمر عبد الحليم وقبلهم موسيقار الاجيال عبد الوهاب

[ندعوك للتسجيل في المنتدى أو التعريف بنفسك لمعاينة هذه الصورة]

يوم كانت بلدى فيه الكل يشهد لها بالخير وبدورها وبوفائها لكل عربى اصيل

السبب فى الموضوع النهارده بعيد شويه

عن الموضوع لكن انا فكرت كتير وكان نفسى اعرف ليه معرفتش قلت اسالكم

اللى تابع فى حضراتكم قضيه العصر زى ما بيقولو

قضيه المطربه سوزان تميم وعرف الحكم فيها

انا مش هنا علشان اتكلم عن القضيه او عن بدايه

تدمير شركه من عصب الاسكان فى مصر

واللى من حضراتكم من اسكندريه يعرف يعنى ايه طلعت مصطفى

انا ملييش فى السياسه ومش دى قضيتى ومش دى مشكلتىلكن قضيتى ومشكلتى

ان بلدى اصبحت قبله لكل من هو سفيه

قبله لناس بتدمرها وبتدمر رموزها

تعرفوا يا ساده ان مصر فيها فوق 10 الاف راقصه روسيه!!!!!!! طب بيعملوا ايه

طب بلاش دى كام عدد المغنيات العرب اللى بيجوا مصر

ومع كامل احترامى ليهم اللى خلاهم مطربين ظلمهم دول ليهم

اسم تانى ميصحش اقوله عيب انا محترم برده

فى كام انسان جاى مصر من اجل اغراض يعجز اللسان عن وصفها

كل اللى عايز اعرفه من حضراتكم ليه بلدنا اتحولت كده وايه الاسباب

دى دعوة مفتوحه للنقاش وانا هرد عليكم ونتكلم

كلنا بنموت فى ترابك يابلدى ونفسنا ترجعلك هيبتك وسط الشعوب وبالذات العربيه

اللى سبحان الله اعلامهم بقى موجه من اجل انتقاد مصر بس ليه طيب

وللاسف اعلامنا بيساعدهم فى الفضائيات وبينشر مساوئ بلدنا

واحنا عاوزين كمان نرفع اسم بلدنا وبلاش نحط صور تسىء لنا

ولازم نقول كل شىء يشرف بلدنا واى صور وحشه بلاش

بدل تامر حسنى وروبى فى زويل وفيه البرادعى وفيه الدكتور مجدى يعقوبوفيه فاروق الباز وفيه وفيه وفيه................

[ندعوك للتسجيل في المنتدى أو التعريف بنفسك لمعاينة هذه الصورة]

انتم ايه رايكم انا عايز من كل عضو محترم هيشارك

معانا يجيب فى رده على التوبيك حاجه هو شايفهه حلوة فى مصر

صورة او يحكى موقف او قصه تاريخيه او اى حاجه بسيطه ونعملها حمله ونسميها

" بلدنا بخير بشبابها "

[/size]
[ندعوك للتسجيل في المنتدى أو التعريف بنفسك لمعاينة هذه الصورة]

انا مش هطلب التفاعل الكبيربس لو بتحب بلدك

حاول تحسن صورتها معايا

بحبك يامصر

منقووووووووووول

برنس بيحب تراب مصر

وبعشق اسم مصر

وبكره اى مصرى يسىء لمصر

من طرف **ساجدة** 29/5/2009, 15:43

يابرنس ياجااااامد
موضوع رائع بجد
بصى بقى ياسيدى بقينا كده ؟
بقينا كه لاسباب كتير خد عندك اسباب اقتصادية كل الشعب المصرى بقى بيعانى منها بشكل اصبح ملحوظ اوى والغريبة ان ارض بلدنا مليانة بالخيرات وكل يوم لا كل ساعة فيه مصدر خير جديد بيظهر طيب ايه اللى بيحصل ؟ متسالنيش وبص حواليك وانت تعرف
تفتكر لما الشباب ماتلاقيش الامكانيات المادية اللى تخليها تكون صورة مشرفة لبلدها وتلاقى الكبار او يعنى اللى فى دائرة الضوء واضحين وباينين باساليب مش كويسة هيعمل ايه الشباب المساكين غير انه ينساق لاى طريق يشوفه قدامه مفتوح
مش معنى كلامى ان مصر بقت وحشة اوى كده ولا ان شباب بلدنا كله مفيش منه امل لا طبعا
تعالى شوف الشباب كل الشباب بدون استثناء لو حصل اى شئ يمس بلده او اسمها بتلاقيه مستعد انه يضحى بكل غالى وثمين علشانها ومن ده كتير
انا هاجيب صورة للنيل السعيد
[ندعوك للتسجيل في المنتدى أو التعريف بنفسك لمعاينة هذه الصورة]

تفتكروا فيه اجمل من كده
بجد احنا محظوظين بان الطيب ده بيمر فى ارضنا
موضوع اكثر من رائع برنسى
تحياتى ليكى

من طرف **برنس مصر** 29/5/2009, 22:48

مشاركه جميله جدااا من أميرة مصرنا الغاليه

معبرة جدا جدا فى معناها وفى محتواها

انا ممكن اقعد اعبر عن ردك ده وارد عليكى فيه بقيت اليوم

لكن انا هكتفى بكلمه شكرا يا سمسمه يا امبرة مصر

ويمكن تكونى صح ليه لأ ويمكن كمان نكون

محتاجين ردود تانيه واهو نتناقش

نورتى يا اميرة مصر بجد ونورتى بصورتك الجميله للنيل

لكى ارق تحياتى وننتظر الباقى يردو ونتناقش

ودى الصوره علشان تعرفو انا ايه

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ساجدة** 29/5/2009, 23:01

ميرسى اوى يارامى على ردك تاذوق طبعا وده اكيد مش غريب عليك
ولو ليا مكان تانى انى اعبر عن صورة بحبها فى مصر
ممكن اضيف كمان صورة
[ندعوك للتسجيل في المنتدى أو التعريف بنفسك لمعاينة هذه الصورة]

ماتستغربش وتقول هى حاطة الصورة دى ليه ؟
هاقولك ليه من غير ماتسالنى
تفتكر لما تكون دى صورة المسلم والمسيحى فى بلدنا سواء على المستوى السياسى او الاجتماعى
يبقى محتاجين حد يقولنا راعوا حقوق الانسان ولا راعوا انه فيه ديمقراطية ولا محتاجين اى غريب يجى يقولنا ازاى نعيش ؟!
ميرسى ليك يارامى كمان مرة
وسامحنى انى باتطفل على موضوعك الرائع للمرة التانية
تحياتى ليك ياقمرى

من طرف **ملكة الاحساس** 30/5/2009, 23:08

بجد الموضوع رائع يابرنس كما عودتنا

انا بجد مبسوطة بأرائكم الجمدة جدا ديه

وانا من رأي كل اللي حصلنا دا

اكيد مترتب علي حاجات كتير اوي

واكيد كلنا شايفين ان دا راجع للاستهتار ولا مبالاة اللي عند جميع الشباب

واكيد هما فعلا لو لاقين فرص كويسه اكيد هيعملوا حاجة مفيدة للبلدد ولكل الناس

واكيد هنشوف بلدنا دي احلي بكتير مما هيا عليه

وانا حبيت اجيب صورة بحبها جدا وهيا للنيل الجميل اللي بيعرفك ان مصر لسه بخير

ويارب تفضل كده علي طول وتزيد

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هو إيه اللى حصل لنا

هو إيه اللى حصل لنا

رد: هو إيه اللى حصل لنا

رد: هو إيه اللى حصل لنا

رد: هو إيه اللى حصل لنا

رد: هو إيه اللى حصل لنا