ياترى ريحه ذكرياتك ايه ؟

من طرف **nooody** 4/3/2010, 22:53

[ندعوك للتسجيل في المنتدى أو التعريف بنفسك لمعاينة هذه الصورة]

الذكريات أجمل شىء فى الدنيا.....

الذكريات ممكن تكون هى الحاجه الوحيدة اللى بتخلينا نتمسك بالحياة

ونواصل عشان نقدر نكمل .....

طبعا فى مواضيع كتير هنا فى المنتدى اتكلمنا فيها عن ذكرياتنا

بس أنا جايه النهاردة مش عشان نحكى الذكريات دى

ونسترجعها .

لا أنا هتناول ذكرياتنا من جانب تانى خالص مختلف

جانب تحس ان فيه روح

جانب يمكن يأخد كتير مننا عشان نسرح فيه

جانب له ريحه مميزة .

ريحه تأخدك معها لمكان الذكريات دى

وكأنك حاسسها وعايش جواها

الموضوع دة محتاج احساسك ..... محتاج خيالك..... محتاج روحك

[ندعوك للتسجيل في المنتدى أو التعريف بنفسك لمعاينة هذه الصورة]

ادى الفرصه لنفسك انك تتعرف على ريحه ذكريات

وتشوف قد ايه هى مميزة بالنسبه ليك

حتى لو كانت متشابهه مع ريحه

ذكريات الاخرين

بس فى النهايه أكيد فى حاجه بتميزها عن غيرها

وأنت الوحيد اللى حاسس بالميزة دى .

يمكن الموضوع هيكون غامض لناس كتير بس فى النهايه الموضوع

مش محتاج غير الاحساس .

يعنى لما تشم ريحه الكتب الجديدة أكيد بتفتكر أول يوم كنت بتستلم فيه الكتب من المدرسه .....

[ندعوك للتسجيل في المنتدى أو التعريف بنفسك لمعاينة هذه الصورة]

لما تشم ريحه المطر بتفتكر يوم نزلت فيه من البيت من وراء مامتك عشان تلعب تحت المطر ...

[ندعوك للتسجيل في المنتدى أو التعريف بنفسك لمعاينة هذه الصورة]

لما تشم ريحه البحر بتفتكر الصيف اللى كلنا كنا بستناة عشان نطلع نصيف مع العيله ....

[ندعوك للتسجيل في المنتدى أو التعريف بنفسك لمعاينة هذه الصورة]

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 732x490 والحجم 27 كيلوبايت .

لما تشم ريحه اللبس الجديد وانت قاعد مستنى الصبح يطلع عشان يجى العيد ....

[ندعوك للتسجيل في المنتدى أو التعريف بنفسك لمعاينة هذه الصورة]

أنت كمان ادخل قولنا ايه ريحه ذكرياتك ؟؟؟؟؟

من طرف **برنس مصر** 4/3/2010, 23:38

جميل الموضوع ده يانودى

خلى عقلى يروح لبعيد ويرجع تانى وهو محمل بالذكريات الجميله
انا ذكرياتى جميله جدااا وكتيره جداااا ولكن مش هروح لبعيد
قوى هى ذكريات قريبه مش بعيده ولكنها ذكريات مش حلوه
عناد وكده وشويه خناقه >>>>>>>>> يلا مع الموضوع
كنا رايحين نشترى الستاير انا وخطيبتى ايام الخطوبه
اتفقت مع خطيبتى اننا نروح نشترى الستاير
المهم قابلتها وروحنا نشترى الستاير من وكالة البلح
طبعا مكان مشهور جدااا فى مصر اشترينا الستاير
وسيبناها فى المحل وكله تمام
وقلت لها تعالى نتغدى رحنا مطعم فخم اتغدينا كباب وكفته
وخرجنا من المطعم رحنا مكان جميل على الكورنيش
نشرب اى شىء كازينو على النيل روعه
قعدنا قاعده رومانسيه واحد من اللى بيصورو قالى صوره
بصيت لها وقلت اايه رايك بعيونى وبدون كلام
هزت راسها بالموافقه قلت له صور
صورنا شويه وجاب ثلاث صور حلوووووووين جداااا
كنت متفق معاها ان الصور تكون لها وليا بالنص يعنى
المهم مسكت فى الصور اتفرج عليها وهى تتفرج عليهم
وانا وهى برج العقرب وما ادراكى ماهو برج العقرب
دماغنا ناشفه شويه يانا يالصور وهى نفس الشىء
هاتى لأ سيب لأ راحت الصور رايحه بالنص
بينى وبينها وكل نص اصبح خمسين حته
وانا وهى فى وقت واحد ودى كانت نهايه الموضوع
المهم رحنا بقى خدنا الستاير وروحتها هى والستاير
واحنا بقى ولا كلمه وقعدت ييجى اسبوع ماكلمهاش
وكانت صور بجد ودى بقى أخرة اللى يتصور مع خطيبته بدون علم أهلها
وشكرا لكى نودى على الموضوع اللى خلانى كتبت قصه ههههههههههه

من طرف **البرائة** 5/3/2010, 01:37

بشكرك نووودى على موضوعك الجميل اللى خالنا نرجع بالذاكرة للخلف
نتذكر احلى واجمل ايام عمرنا
وبرنس بجد ذكرياتك تضحك واحلى حاجة اللى ضحكتنى اكتر
نصيحتك الاخيرة ههههههههههههههه
ودى بقى أخرة اللى يتصور مع خطيبته بدون علم أهلها
منكم نستفيد
هههههههه
اكتر ذكرى لن انساها
وانا فى السنة الثالثة من الجامعة كانت احلى واجمل وافضل سنين عمرى كلها
بجد انقلاب فى حياتى بأكملها دينيا واجتماعيا وقبل كلة دة علميا
وبدل ماكنت بس اروح ابكى عند كلية اعلام حبيت كليتى جدااا ودراستى جدااا جدااا
وعرفت فعلا انا الخير ما كتبة الله لى وان الله لايضيع اجر من احسن عملا
2006/2007
من اجمل السنين اللى مرت فعلا عليا يارب سنين عمرى كلها تكون زيهم
دا الواحد كان اضحوكة البيت فى السنين الاولى من الكلية كنت بس ادخل كل محاضرة واطلع ابكى
وبابا كل مايسمع انى بروح عند كلية اعلام وابكى يقعد يضحك عليا ضحك
ويزلنى بدكتور التخصص اللى كان مطفشنى بتقديروا بس طبعا كان نوع من انواع الهزار ليضحكنى شوية
لكن بجد تسلملى اختى فهمتنى قيمة كليتى وحمستنى ليها
والذكرى الاخرى
هى امتحانات السنة الماضية وكانت فى شهر 9
بعد العيد مباشرة يعنى متهنتش زى الناس بالعيد وحتى شهر رمضان بدل مايكون ذكر وقران كان مذاكرة جامدة وكمية قلق فظيعة
بس اللى هون عليا صديقة لى بتحضر على حسابها
يوم امتحان الانجليش وهى لغة عربية وبينها وبين الانجليش نوع من انواع العمار هههههههه
قعدت تغنى اغنية انا لاول مرة اسمعها بس بجد ضحكتينى كتير
عارفين كانت بتقول اية
اه يانى يانى يانى مش هذاكر مرة تانى
انا تخيلت ان الامتحانات خالتها منشدة بس اتضح انها اغنية
معلش طولت عليكوا بس الواحد لما بيفتكر ذكرياتة مش هيكفية فيها كلام

من طرف **سلطان** 5/3/2010, 09:41

كلامك صحيح ماجمل الذكريات الحلوه ورحتها الجميله[ندعوك للتسجيل في المنتدى أو التعريف بنفسك لمعاينة هذه الصورة]

من طرف **اشتكي غلاك** 6/3/2010, 10:20

بالنسبه ليا ذكرياتي رائحتها كرائحة مداعبه الامواج للبحر فعلا ,’’
ع فكرة انا جايه اتفرج ع الذكريات بس هههههه [ندعوك للتسجيل في المنتدى أو التعريف بنفسك لمعاينة هذه الصورة]
يسلموو حبيبتي نودي
دمتي برعايه المولى ’’

ياترى ريحه ذكرياتك ايه ؟

ياترى ريحه ذكرياتك ايه ؟

رد: ياترى ريحه ذكرياتك ايه ؟

رد: ياترى ريحه ذكرياتك ايه ؟

الذكريات

رد: ياترى ريحه ذكرياتك ايه ؟