نصيحة يا بنااات بليز إعملووا بالنصيحة ..!!
+2
ملكة الاحساس
رائدحسنى
6 مشترك
منتدى مصر أم الدنيا :: كل مايخص المرأة > والرجل >والجمال >ومطبخ مصر :: عالــــــــــــــمـ نواعـــــــــــــــــــــــمـــ
صفحة 2 من اصل 4
صفحة 1 من اصل 4 • 1, 2, 3, 4
نصيحة يا بنااات بليز إعملووا بالنصيحة ..!!
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس... قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
[ندعوك للتسجيل في المنتدى أو التعريف بنفسك لمعاينة هذه الصورة]
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش ب! يتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت... وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوف! ي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
والله مش خسارة فيكم النصاايح الحلووووة دى
:D
رائدحسنى- مشــ سابق ــرف
- عدد الرسائل : 5853
العمر : 41
الموقع : مصر أم الدنيا
المزاج : خيروسيلة لنسيان الألـــم مبادرتــه بالتفكـــر فى نعم اللـــه عزوجـــل
بلاد الاعضاء :
المهنـــــــــه :
تاريخ التسجيل : 18/11/2008
رد: نصيحة يا بنااات بليز إعملووا بالنصيحة ..!!
آنستي العزيزة.. لو ربنا فك عقدتك.. واتخطبتي..
ايه ياعم انت شايفنا معنسين ولا ايه
ههههههههههههههههههههههههه
شكرا ياسيدي علي النصائح الجمده ديه
يلا اللي منكم فايده
شكرا وتحياتي لك
ايه ياعم انت شايفنا معنسين ولا ايه
ههههههههههههههههههههههههه
شكرا ياسيدي علي النصائح الجمده ديه
يلا اللي منكم فايده
شكرا وتحياتي لك
رد: نصيحة يا بنااات بليز إعملووا بالنصيحة ..!!
ملكة الاحساس كتب:
آنستي العزيزة.. لو ربنا فك عقدتك.. واتخطبتي..
ايه ياعم انت شايفنا معنسين ولا ايه
ههههههههههههههههههههههههه
شكرا ياسيدي علي النصائح الجمده ديه
يلا اللي منكم فايده
شكرا وتحياتي لك
تيب تيب أنا غلطااااااااان
ههههههههه
هو لازم تعنسووا علشان
تنفك عقدتكم يعنى النصيحة دى
للمخطوبين قبل المؤجلين ,...
ها ايه رأيك فى المؤجلين دى بقى
احلى من معنسين أهى
أى خدمة ..
وتسلمى على مرورك الجميل ..
رائدحسنى- مشــ سابق ــرف
- عدد الرسائل : 5853
العمر : 41
الموقع : مصر أم الدنيا
المزاج : خيروسيلة لنسيان الألـــم مبادرتــه بالتفكـــر فى نعم اللـــه عزوجـــل
بلاد الاعضاء :
المهنـــــــــه :
تاريخ التسجيل : 18/11/2008
رد: نصيحة يا بنااات بليز إعملووا بالنصيحة ..!!
هههههههههههههههههههه
اية دة يا ابنى انت بتنصحنا ولا بتتريق علينا والله عشنا وشوفنا
تشكر يا خويا على الموضوع ومش عوزين تريقة مرة تانى
اية دة يا ابنى انت بتنصحنا ولا بتتريق علينا والله عشنا وشوفنا
تشكر يا خويا على الموضوع ومش عوزين تريقة مرة تانى
همسة وداع- دائمــــــــــــــا فى القـــــلب
- عدد الرسائل : 1704
العمر : 43
الموقع : أم الدنـيــــــــا مصــــر
العمل/الترفيه : كتابة الخواطر
المزاج : حالة حب
بلاد الاعضاء :
تاريخ التسجيل : 10/10/2008
رد: نصيحة يا بنااات بليز إعملووا بالنصيحة ..!!
همسة وداع كتب:هههههههههههههههههههه
اية دة يا ابنى انت بتنصحنا ولا بتتريق علينا والله عشنا وشوفنا
تشكر يا خويا على الموضوع ومش عوزين تريقة مرة تانى
ههههههههههههه
تريقة انا غلطاان على النصاايح دى
مش بدل ما تاكلو العريس ويهرب
ومرسيى على مرورك بس علشان خاطرى
أنتى بالذات مش تنسى النصايح دى فى اكل المكرونة ..
مرسيى يا عسل :(
رائدحسنى- مشــ سابق ــرف
- عدد الرسائل : 5853
العمر : 41
الموقع : مصر أم الدنيا
المزاج : خيروسيلة لنسيان الألـــم مبادرتــه بالتفكـــر فى نعم اللـــه عزوجـــل
بلاد الاعضاء :
المهنـــــــــه :
تاريخ التسجيل : 18/11/2008
صفحة 1 من اصل 4 • 1, 2, 3, 4
مواضيع مماثلة
» 100 نصيحة للشباب
» ستون نصيحة لك اخى المسلم
» نصيحة قيمة من أسد لأبنه
» عشرون نصيحة فى تربية الأبناء
» 53 نصيحة تزيد من محبة زوجتك لك!!
» ستون نصيحة لك اخى المسلم
» نصيحة قيمة من أسد لأبنه
» عشرون نصيحة فى تربية الأبناء
» 53 نصيحة تزيد من محبة زوجتك لك!!
منتدى مصر أم الدنيا :: كل مايخص المرأة > والرجل >والجمال >ومطبخ مصر :: عالــــــــــــــمـ نواعـــــــــــــــــــــــمـــ
صفحة 2 من اصل 4
صلاحيات هذا المنتدى:
لاتستطيع الرد على المواضيع في هذا المنتدى